കാഞ്ഞങ്ങാട്: അഭിഭാഷകവൃത്തിയുടെ അരനൂറ്റാണ്ട് പൂര്‍ത്തിയാക്കിയ പ്രമുഖ ക്രിമിനല്‍ അഭിഭാഷകന്‍ സി.കെ ശ്രീധരനെ ഹൊസ്ദുര്‍ഗ് ബാര്‍ അസോസിയേഷന്റെ നേതൃത്വത്തില്‍ ഇന്നു കോട്ടച്ചേരി ആകാശ് കണ്‍വന്‍ഷന്‍ സെന്ററില്‍ ആദരിക്കും.
രാവിലെ 10ന് ഹൈക്കോടതി ജഡ്ജി ജസ്റ്റിസ് പി.എന്‍ രവീന്ദ്രന്‍ ചടങ്ങ് ഉദ്ഘാടനം ചെയ്യും. ജസ്റ്റിസ് എന്‍.കെ. ബാലകൃഷ്ണന്‍ അധ്യക്ഷനാകും. ഹൈക്കോടതി ജഡ്ജി ജസ്റ്റിസ് പി ഉബൈദ് ഉപഹാരസമര്‍പ്പണം നടത്തും.
ഹൈക്കോടതി മുന്‍ ആക്ടിങ് ചീഫ് ജസ്റ്റിസ് വി.പി മോഹന്‍കുമാര്‍, ജസ്റ്റിസ് ടി. കെ ചന്ദ്രശേഖരദാസ്, അഡീ. അഡ്വ. ജനറല്‍ കെ.കെ രവീന്ദ്രനാഥ്, അഡീ. ഡി.ജി.പി സുരേഷ്ബാബു തോമസ്, ഡി.ജി.പി അഡ്മിനിസ്‌ട്രേഷന്‍ വി.സി ഇസ്മായില്‍, ജില്ലാ ജഡ്ജി എസ്. മനോഹര്‍ കിണി, ജില്ലാ കലക്ടര്‍ കെ. ജീവന്‍ബാബു, ഹൊസ്ദുര്‍ഗ് സബ് ജഡ്ജ് ടിറ്റി ജോര്‍ജ് തുടങ്ങി ഒട്ടനവധി പ്രമുഖര്‍ സംബന്ധിക്കും.