കോഴിക്കോട്: മുന്‍ ആസ്‌ത്രേലിയന്‍ ക്രിക്കറ്റ് താരം ബ്രെറ്റ് ലീ ഇന്നു കോഴിക്കോട്ട്. കോക്ലിയര്‍ ഇംപ്ലാന്റ് നിര്‍മാതാക്കളായ കോക്ലിയറിന്റെ ആഗോള ഹിയറിങ് അംബാസിഡറായ ലീ കോക്ലിയര്‍ ലിമിറ്റഡ് കോഴിക്കോട് മെഡിക്കല്‍ കോളജുമായി ചേര്‍ന്നു നടത്തുന്ന ബോധവത്കരണ പരിപാടിയില്‍ പങ്കെടുക്കാനാണു എത്തുന്നത്. മെഡിക്കല്‍ കോളജ് സൂപ്പര്‍ സ്‌പെഷാലിറ്റി ബ്ലോക്കില്‍ ഉച്ചക്കു 12നു നടക്കുന്ന ചടങ്ങില്‍ അദ്ദേഹം സംസാരിക്കും. തുടര്‍ന്നു വിദ്യാര്‍ഥികളുമായും സംവദിക്കും. ഇന്നലെ കൊച്ചിയില്‍ എത്തിയ ബ്രെറ്റ് ലീ അവിടെയും കോക്ലിയര്‍ കമ്പനിയുടെ ബോധവത്കരണ പരിപാടിയില്‍ പങ്കെടുത്തിരുന്നു.