കരൂപ്പടന്ന: ടൗണ്‍ മഹല്ല് ജമാഅത്ത് കമ്മറ്റിയും ദുബായ് കെ.ടി.എം. വെല്‍ഫെയര്‍ അസോസിയേഷനും അഹല്യ ഫൗണ്ടേഷന്‍ പാലക്കാടും ചേര്‍ന്ന് നേത്ര പരിശോധന ക്യാംപും തിമിര ശാസ്ത്രക്രിയയും നടത്തി. 120 പേര്‍ ക്യാംപില്‍ പങ്കെടുത്തു. വെള്ളാങ്ങല്ലൂര്‍ ഗ്രാമപ്പഞ്ചായത്ത് പ്രസിഡന്റ് പ്രസന്ന അനില്‍കുമാര്‍  ഉദ്ഘാടനം ചെയ്തു. ടൗണ്‍ മഹല്ല് കമ്മറ്റി ആക്ടിങ് പ്രസിഡന്റ്  കെ.കെ. ഷാഹുല്‍ ഹമീദ്  അധ്യക്ഷനായി. പ്രസിഡന്റ് സുലൈമാന്‍ അന്‍വരി അനുമോദനം അറിയിച്ചു. ജോയിന്റ് സെക്രട്ടറി ഒ.എം. ഇസ്മായില്‍, പഞ്ചായത്തു മെമ്പര്‍മാരായ സുലേഖ അബ്ദുള്ളക്കുട്ടി, ആമിനാബി, എ.കെ. മജീദ്, എക്‌സിക്യൂട്ടീവ് മെമ്പര്‍ ഉമര്‍ ഫാറൂഖ്, ട്രഷറര്‍ ടി.എ. സുലൈമാന്‍, സെക്രട്ടറി എം.എ. അബൂബക്കര്‍  സംസാരിച്ചു.