തലശ്ശേരി: മുസ്‌ലിംലീഗ് അഖിലേന്ത്യാനേതാവും എം.പിയുമായിരുന്ന അന്തരിച്ച ഇ അഹമ്മദിന്റെ പേരില്‍ തലശ്ശേരിയില്‍ ആംബുലന്‍സ് സര്‍വിസ് ആരംഭിച്ചു. തലശ്ശേരിയിലും പരിസരത്തുമുള്ള ഒരു കൂട്ടം സേവനസന്നദ്ധരായ യുവാക്കളുടെ കൂട്ടായ്മയില്‍ രൂപം കൊണ്ട ഗ്രീന്‍ വിങ്ങ്‌സ് ചാരിറ്റബിള്‍ സൊസൈറ്റിയാണ് ആംബുലന്‍സ് സൗകര്യം ഒരുക്കിയത്. സൊസൈറ്റിയുടെയും ആംബുലന്‍സ് സര്‍വിസിന്റെയും ഔപചാരികമായ ഉദ്ഘാടനം പാണക്കാട് സയ്യിദ് മുഈനലി ശിഹാബ് തങ്ങള്‍ നിര്‍വ്വഹിച്ചു. തലശ്ശേരി എ.വി.കെ നായര്‍ റോഡിലെ ശിഹാബ് തങ്ങള്‍ സൗധത്തിലെ സി.എച്ച് ഓഡിറ്റോറിയത്തില്‍ നടന്ന ചടങ്ങില്‍ അഡ്വ.പി.വി സൈനുദ്ദീന്‍ ഇ അഹമ്മദ് അനുസ്മരണ പ്രഭാഷണം നടത്തി. ഓക്‌സിജന്‍ കിറ്റ് പി കുഞ്ഞിമുഹമ്മദിന് നല്‍കി എ.പി
മഹമൂദ് ഉദ്ഘാടനം ചെയ്തു. ലോഗോ പ്രകാശനം
എന്‍ മഹമൂദ് നിര്‍വഹിച്ചു. അഡ്വ.കെ.എ ലത്തീഫ് അധ്യക്ഷനായി. റഹീസ് അഹമദ്, ഡോ. രാജീവ് നമ്പ്യാര്‍, കെ.കെ മുഹമ്മദ്, എ.കെ ആബൂട്ടിഹാജി, ഡോ. സി.പി നാസിമുദ്ദീന്‍, ഡോ. സി.ഒ.ടി മുസ്തഫ, സി.കെ.പി മമ്മു, തസ്‌ലീം ചേറ്റംകുന്ന്, പി.പി
സാജിദ, ജാസര്‍, എ.കെ മുസ്തഫ സംസാരിച്ചു.