വളാഞ്ചേരി: ഏഴാമത് സംസ്ഥാന വഫിയ്യ കലോത്സവം വളാഞ്ചേരി മര്‍കസ് കാംപസില്‍ സമാപിച്ചു. പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു. 144 ഇനങ്ങളിലായി വിവിധ സോണല്‍ മത്സരങ്ങളില്‍ ജേതാക്കളായവരാണ് സംസ്ഥാന കലോത്സവത്തില്‍ പങ്കെടുത്തത്.
32 വഫിയ്യ കോളജുകളില്‍ നിന്നുള്ള രണ്ടായിരത്തില്‍പരം വിദ്യാര്‍ഥിനികള്‍ കലോത്സവ ഭാഗമായ ക്യൂഫോര്‍ ടുമാറോയില്‍ പങ്കെടുത്തു. 'ടു അപ്‌ഗ്രേഡ് ടു അപ്‌ഡേറ്റ്' സെഷന് അല്‍ ഗൈസ് വഫിയ്യ കോളജ് വിദ്യാര്‍ഥിനി ഹസ്‌ന നേതൃത്വം നല്‍കി.
വൈകിട്ട് നടന്ന സമാപനസമ്മേളനം സയ്യിദ സുല്‍ഫത്ത് ബീവി ഉദ്ഘാടനം ചെയ്തു. സുമയ്യ വഫിയ്യ അധ്യക്ഷയായി.
സയ്യിദ സജ്‌ന ബീവി, ജില്ലാ മെഡിക്കല്‍ ഓഫിസര്‍ ഡോ.സക്കീന സംസാരിച്ചു. വഫിയ്യ അസിസ്റ്റന്റ് കോ ഓര്‍ഡിനേറ്റര്‍മാരായ ഷഹര്‍ബാന്‍ വഫിയ്യ, ഫാത്വിമ തസ്‌നീം വഫിയ്യ, സുമയ്യ വഫിയ്യ, ഫെസ്റ്റ് കണ്‍ട്രോളര്‍ ഫാത്തിമ സുഹ്‌റ വഫിയ്യ, അസ്മ വഫിയ്യ, മുസൈന വഫിയ്യ, സ്വഫിയ വഫിയ്യ, ഫാത്തിമ സര്‍ജാദ, ഫാത്തിമ ഫഹ്മിദ സംബന്ധിച്ചു.
വിദ്യാര്‍ഥിനികളും അധ്യാപികമാരുമാണ് വഫിയ്യ കലോത്സവങ്ങളുടെ സംഘാടനം നിര്‍വഹിച്ചത്.