അല്‍ റുഖ്ബാന്‍: ജോര്‍ദാനിലെ സിറിയന്‍ അതിര്‍ത്തിയില്‍ കാര്‍ ബോംബ് സ്‌ഫോടനത്തില്‍ ആറു ജോര്‍ദാന്‍ സൈനികര്‍ കൊല്ലപ്പെട്ടു. തീവ്രവാദ ആക്രമണമെന്നാണ് പ്രാഥമിക നിഗമനം.

സ്‌ഫോടനത്തില്‍ നിരവധി സൈനികര്‍ക്ക് പരുക്കേറ്റിട്ടുണ്ട്. ഇന്നു രാവിലെ അഞ്ചര മണിയോടെയാണ് സംഭവം. അല്‍ റുഖ്ബാനിലെ സിറിയന്‍ അഭയാര്‍ഥി ക്യാമ്പിനു സമീപത്ത് കാര്‍ പൊട്ടിത്തെറിക്കുകയായിരുന്നു. നിരവധി വാഹനങ്ങളും സ്‌ഫോടനത്തില്‍ തകര്‍ന്നതായാണ് റിപ്പോര്‍ട്ട്.

ജോര്‍ദാനിന്റെയും സിറിയയുടെ ഇടയില്‍ അഭയാര്‍ഥികള്‍ തിങ്ങിപ്പാര്‍ക്കുന്ന സ്ഥലമാണിത്. ഏതാണ്ട് 70,000 സിറിയന്‍ അഭയാര്‍ഥികളാണ് ഇവിടെ തമ്പടിച്ച് താമസിക്കുന്നത്.