കൊല്ലം: കേരളം ഒറ്റയ്ക്കു ഭരിക്കേണ്ട കേരളാ കോണ്‍ഗ്രസിനെ ഭിന്നിപ്പിച്ചതിനു പിന്നില്‍ കെ.എം മാണിയുടെ കുത്സിത ശ്രമങ്ങളാണെന്നു കേരളാ കോണ്‍ഗ്രസ് (ബി) ചെയര്‍മാന്‍ ആര്‍.ബാലകൃഷ്ണപിള്ള.
കേരളാ യൂത്തറ ഫ്രണ്ട്(ബി) ജന്മദിനാഘോഷം കൊട്ടാരക്കരയില്‍ ഉദ്ഘാടനം ചെയ്യുകയായിരുന്നു അദ്ദേഹം. പ്രാദേശിക പാര്‍ട്ടികളുടെ കൂട്ടായ്മയായിരിക്കും വരുന്ന തെരഞ്ഞെടുപ്പില്‍ ഇന്ത്യ ഭരിക്കുന്നത്. ഫണം വിടര്‍ത്തിയാടുന്ന മോദിയുടെ വര്‍ഗ്ഗീയതയെ ചെറുക്കാന്‍ കോണ്‍ഗ്രസിനാവില്ലെന്നും ഇന്ത്യയില്‍ ഏകകക്ഷിഭരണം നടത്തിയ കോണ്‍ഗ്രസ് ഇന്നു മുന്നണികള്‍ക്കുള്ളില്‍ അഭയം തേടേണ്ട ഗതികേടിലാണെന്നും പിള്ള പറഞ്ഞു. സംസ്ഥാന പ്രസിഡന്റ് മധു എണ്ണയ്ക്കാട് അധ്യക്ഷനായി.
പാര്‍ട്ടി ജില്ലാ പ്രസിഡന്റ് എ ഷാജു, ജേക്കബ് വര്‍ഗ്ഗീസ് വടക്കടത്ത്, ശരണ്യ മനോജ്, എന്‍.എസ് വിജയന്‍, പൂവറ്റൂര്‍ സുരേന്ദ്രന്‍, പെരുംകുളം സുരേഷ് തുടങ്ങിയവര്‍ സംസാരിച്ചു.