കൊട്ടിയം: ഇരവിപുരത്ത് കടല്‍ക്ഷോഭം രൂക്ഷം.ഇതേ തുടര്‍ന്ന് ഇവിടെ നടക്കുന്ന പുലിമുട്ട് നിര്‍മാണം ദ്രുതഗതിയിലാക്കി.
കടല്‍ ക്ഷോഭം രൂക്ഷമായതിനെ തുടര്‍ന്ന് 10 മീറ്റര്‍ നീളത്തില്‍ അകത്തേയ്ക്ക് തള്ളിയിട്ട ശേഷമാണ് നിര്‍മാണ പ്രവര്‍ത്തനങ്ങള്‍ നടത്തുന്നത്. പള്ളിതേര്, വേളാങ്കണ്ണി കുരിശടി ജങ്ഷനിലും പുലിമുട്ട് നിര്‍മാണം ആരംഭിച്ചു.
എന്നാല്‍ 600 മീറ്ററോളം ഗ്യാപ്പ് ഇട്ട ശേഷം നിര്‍മ്മിക്കുന്ന പുലിമുട്ട് അശാസ്ത്രീയമാണെന്നാണ് നാട്ടുകാരുടെ അഭിപ്രായം.നിര്‍മാണ പ്രവര്‍ത്തനങ്ങള്‍ക്കായി 26 കോടി രൂപയുടെ പുതിയ പ്രൊപ്പോസല്‍ സര്‍ക്കാരിന് സമര്‍പ്പിച്ചതായി എം.എല്‍.എ എം നൗഷാദ് അറിയിച്ചു.