കൊല്ലം: എസ്.എസ്.എല്‍.സി പരീക്ഷയില്‍ ജില്ലയില്‍ ഇത്തവണ 97.96 ശതമാനം വിജയം.
കഴിഞ്ഞ വര്‍ഷത്തേക്കാള്‍ വിജയശതമാനത്തില്‍ വര്‍ധനവ് ഉണ്ടായിട്ടുണ്ട്. 96.90 ശതമാനമായിരുന്നു കഴിഞ്ഞ വര്‍ഷം. 32,469 വിദ്യാര്‍ഥികള്‍ പരീക്ഷ എഴുതിയതില്‍ 31,808 പേര്‍ ഉപരിപഠനത്തിന് അര്‍ഹത നേടി. ഇതില്‍ 16,369 പേര്‍ ആണ്‍കുട്ടികളും 15,439 പെണ്‍കുട്ടികളുമാണ്.
ഇത്തവണ വിദ്യാഭ്യാസ ജില്ലയില്‍ ഏറ്റവും കൂടുതല്‍ വിജയ ശതമാനം കൊട്ടാരക്കരയിലാണ്. 98.55 ശതമാനം. ഇവിടെ 8300 പേര്‍ പരീക്ഷ എഴുതിയപ്പോള്‍ 8180 പേര്‍ ഉപരിപഠനത്തിന് അര്‍ഹത നേടി. പുനലൂര്‍ വിദ്യാഭ്യാസ ജില്ലയില്‍ 6538 വിദ്യാര്‍ഥികള്‍ പരീക്ഷ എഴുതിയതില്‍ 6402 പേര്‍ ഉപരിപഠനത്തിന് അര്‍ഹത നേടി. 97.92 ആണ് വിജയശതമാനം. കൊല്ലം വിദ്യാഭ്യാസ ജില്ലയിലായിരുന്നു ഏറ്റവും കുടുതല്‍ പേര്‍ പരീക്ഷ എഴുതിയത്. 17631 പേര്‍. ഇതില്‍ 17226 പേര്‍ ഉപരിപഠനത്തിന് അര്‍ഹത നേടി. 97.7ആണ് വിജയശതമാനം. കൊല്ലം റവന്യൂ ജില്ലയില്‍ 3361 വിദ്യാര്‍ഥികള്‍ എല്ലാ വിഷയങ്ങള്‍ക്കും എ പ്ലസ് കരസ്ഥമാക്കി. ഇതില്‍ 1155 ആണ്‍കുട്ടികളും 2206 പെണ്‍കുട്ടികളുമാണ്. കഴിഞ്ഞ വര്‍ഷം 2050 വിദ്യാര്‍ഥികള്‍ക്കായിരുന്നു എല്ലാ വിഷയങ്ങള്‍ക്കും എ പ്ലസ് ലഭിച്ചത്.
കരുനാഗപ്പള്ളി: എസ്.എസ്.എല്‍.സി പരീക്ഷാ ഫലം പുറത്തുവന്നതോടെ കരുനാഗപ്പള്ളിയിലെ സ്‌കൂളുകള്‍ മികച്ച വിജയം നേടി മികച്ച പ്രകടനം കാഴ്ചവച്ചു.
തൊടിയൂര്‍ ഗവ. എച്ച്.എസ്.എസ്, അയണിവേലിക്കുളങ്ങര ജെ.എഫ്.കെ.എം.വി.എച്ച്.എസ്.എസ്, കുഴിത്തറ ഗവ. ഹൈസ്‌കൂള്‍ എന്നീ സ്‌കൂളുകള്‍ നൂറ് മേനി വിജയം നേടി.
തൊടിയൂര്‍ സ്‌കൂളില്‍ പരീക്ഷ എഴുതിയ 79 പേരില്‍ 4 കുട്ടികള്‍ എല്ലാ വിഷയത്തിനും എ പ്ലസ് നേടി. ജെ.എഫ്.കെ .എം.വി.എച്ച്.എസില്‍ പരീക്ഷ എഴുതിയ 54 പേരില്‍ 9 പേരും, കഴിത്തുറയില്‍ 48 പേരില്‍ 3 പേരും എല്ലാ വിഷയങ്ങള്‍ക്കും എ പ്ലസ് നേടി.
കരുനാഗപ്പള്ളി ഗേള്‍സ് ഹൈസ്‌കൂളില്‍ പരീക്ഷ എഴുതിയ 501 വിദ്യാര്‍ഥികളില്‍ 500 പേരും വിജയിച്ചു. 106 വിദ്യാര്‍ഥികള്‍ക്ക് എല്ലാ വിഷയങ്ങള്‍ക്കും എ പ്ലസ് നേടി ജില്ലയില്‍ തന്നെ ഏറ്റവും കൂടുതല്‍ എ പ്ലസ് നേടുന്ന സ്‌കൂളായി.
ബോയ്‌സ് ഹൈസ്‌കൂളില്‍ 361 പേരില്‍ 351 പേര്‍ വിജയിച്ചു. 28 പേര്‍ ഫുള്‍ എ പ്ലസ് നേടി. കരുനാഗപ്പള്ളി ഗവ. ഹയര്‍ സെക്കന്‍ഡറി സ്‌കൂളില്‍ 551 പേരില്‍ 550 പേരും വിജയിച്ചു. 72 പേര്‍ എ പ്ലസ് നേടി. ക്ലാപ്പന എസ്.വി.എച്ച്.എസില്‍ 187 പേരില്‍ 186 പേരും വിജയിച്ചു.
10 പേര്‍ എ പ്ലസ് നേടി. ചെറിയഴീക്കല്‍ ഗവ. ഹയര്‍ സെക്കന്‍ഡറി സ്‌കൂളില്‍ 67 പേരില്‍ 64 പേര്‍ വിജയിച്ചു.
മൂന്ന് പേര്‍ എ പ്ലസ് നേടി. കുലശേഖരപുരം ഗവ. എച്ച്.എസ്.എസില്‍ 238 പേരില്‍ 221 പേര്‍ വിജയിച്ചു.
ഒന്‍പത് പേര്‍ എ പ്ലസ് നേടി. തഴവ ഗേള്‍സ് ഹൈസ്‌കൂളില്‍ 256 പേരില്‍ 253 പേര്‍ വിജയിച്ചു. 20 പേര്‍ എ പ്ലസ് നേടി.
തഴവ ബോയ്‌സ് ഹൈസ്‌കൂളില്‍ 330 പേരില്‍ 319 പേര്‍ വിജയിച്ചു. 51 പേര്‍ ഫുള്‍ എ പ്ലസ് നേടി.