ചവറ: സമൂഹത്തില്‍ കഷ്ടതയനുഭവിക്കുന്ന അഗതികള്‍ക്ക് ഒരു പിടി അരി പദ്ധതിയോടെ തേവലക്കര കെ.വി.എം മോണ്ടിസോറി സ്‌കൂളിന്റെ ആറാം വാര്‍ഷിക ആഘോഷം നടന്നു. റേഡിയോ ക്ലബ്ബ് ഉദ്ഘാടനം, കര്‍ഷകശ്രീ അവാര്‍ഡ് വിതരണം, കലാസന്ധ്യ എന്നിവയും നടന്നു. സബ് കലക്ടര്‍ ഡോ. എസ് ചിത്ര ഉദ്ഘാടനം ചെയ്തു. കെ.എം.എം.എല്‍ എം.ഡി റോയി കുര്യന്‍ റേഡിയോ ക്ലബ്ബ് ഉദ്ഘാടനം ചെയ്തു. അഗതികള്‍ക്കൊരു പിടി അരി പദ്ധതി ജി.കെ.എസ്.എഫ് മുന്‍ എം.ഡി അനില്‍ മുഹമ്മദ് ഏറ്റുവാങ്ങി. അബ്ദുല്‍ റഷീദ് അധ്യക്ഷത വഹിച്ചു. തേവലക്കര പഞ്ചായത്ത് പ്രസിഡന്റ് ജോസ് ആന്റണി, ഇസ്മയില്‍ കുഞ്ഞ്, അന്‍സാര്‍ റഷീദ് എന്നിവര്‍ സംസാരിച്ചു. കുട്ടികള്‍ക്ക് ജൈവ പച്ചക്കറിതൈകളും വിതരണം ചെയ്തു. തുടര്‍ന്ന് പൂമ്പാറ്റക്കുട്ടം കലാസന്ധ്യയും നടന്നു.