പേരാമ്പ്ര: പേരാമ്പ്ര ടൗണിന്റെ പ്രധാന ഭാഗങ്ങളിലൂടെ ഒഴുകുന്ന മരക്കാടി തോട് സംരക്ഷിക്കണമെന്നാവശ്യപ്പെട്ട് ജനതാദള്‍ (യു) നേതൃത്വത്തില്‍ ഭീമ ഹരജി തയാറാക്കി കേന്ദ്ര-സംസ്ഥാന സര്‍ക്കാരുകള്‍ക്ക് സമര്‍പ്പിക്കുന്നതിന്റെ ഉദ്ഘാടനം പരിസ്ഥിതി പ്രവര്‍ത്തകന്‍ പ്രൊഫ. ശോഭീന്ദ്രന്‍ നിര്‍വഹിച്ചു.
പഞ്ചായത്തിലെ വിദ്യാഭ്യാസ സ്ഥാപനങ്ങള്‍, വ്യാപാര സ്ഥാപനങ്ങള്‍, കലാ സാംസ്‌കാരിക കേന്ദ്രങ്ങള്‍, വായനശാലകള്‍, പൊതുജനങ്ങള്‍ എന്നിവിടങ്ങളില്‍ നിന്നായി ഒപ്പു ശേഖരണം നടത്തിയാണ് ഹരജി നല്‍കുക.
 മാറുന്ന പേരാമ്പ്ര, നാറുന്ന മരക്കാടി എന്ന സന്ദേശമുയര്‍ത്തിയാണ് ഒപ്പു ശേഖരിച്ചത്. മരക്കാടി തോട് മാലിന്യങ്ങള്‍ കൊണ്ട് നിറഞ്ഞതോടെ പാടശേഖരങ്ങളിലെത്തി കൃഷിയടക്കം നശിച്ചുപോയ സാഹചര്യമാണ് നിലവിലുള്ളത്.