ശ്രീകണ്ഠപുരം: പിഞ്ചുകുഞ്ഞുമായി ആശുപത്രിയിലേക്കുപോവുകയായിരുന്ന ഓട്ടോറിക്ഷയില്‍ ടിപ്പറിടിച്ച് മൂന്നുപേര്‍ക്ക് പരുക്കേറ്റു. ഇന്നലെ രാവിലെ 11.30ഓടെ കോട്ടൂര്‍ പാലത്തിന് സമീപമായിരുന്നു അപകടം. ശ്രീകണ്ഠപുരം ഭാഗത്തേക്കു വരികയായിരുന്ന ഓട്ടോയില്‍ എതിരെ വന്ന ടിപ്പറിടിക്കുകയായിരുന്നു. പരുക്കേറ്റ മടമ്പം സ്വദേശിയായ ഓട്ടോഡ്രൈവര്‍ പാലനാനി ജോണ്‍(48), മടമ്പത്തെ ബിജി(45), ഇവാന(ഒന്ന്) എന്നിവരെ ഇന്ദിരാഗാന്ധി ആശുപത്രിയില്‍ പ്രഥമ ശ്രുശ്രൂഷ നല്‍കി പരിയാരം മെഡിക്കല്‍  കോളജില്‍ പ്രവേശിപ്പിച്ചു.