ഇരിട്ടി: ഹിറ്റ്‌ലറിന്റെയും മുസോളിനിയുടെയും പ്രവര്‍ത്തന രീതി അവംലംബിക്കുന്ന പ്രസ്ഥാനമാണ് ആര്‍.എസ്.എസും സംഘപരിവാറുമെന്ന് സി.പി.എം ജില്ലാ സെക്രട്ടറി പി ജയരാജന്‍. വിവിധ പാര്‍ട്ടികളില്‍ നിന്നു രാജിവച്ച് സി.പി.എമ്മുമായി യോജിച്ച് പ്രവര്‍ത്തിക്കാന്‍ തീരുമാനിച്ചവര്‍ക്ക് സി.പി.എം മുഴക്കുന്ന് ലോക്കല്‍ കമ്മറ്റിയുടെ ആഭിമുഖ്യത്തില്‍ നല്ലൂര്‍ പള്ളിത്താഴെ സംഘടിപ്പിച്ച സ്വീകരണവും പൊതുയോഗവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സി.പി.എം പേരാവൂര്‍ കമ്മിറ്റിയംഗം എം കണ്ണന്‍ അധ്യക്ഷനായി. കെ ശ്രീധരന്‍, വി.ജി പത്മനാഭന്‍, അഡ്വ.എം രാജന്‍, കെ വത്സന്‍, എം ബിജു, എം കുഞ്ഞിരാമന്‍, അഡ്വ.കെ.പി ജാഫര്‍ സംസാരിച്ചു. ജില്ലാ സെക്രട്ടറിയേയും വിവിധ പാര്‍ട്ടികളില്‍ നിന്ന് രാജിവച്ച് വന്നവരെയും നാസിക് ദോളിന്റെ അകമ്പടിയോടെ സ്വീകരിച്ചാനയിച്ചു. നവാഗതരെ പി ജയരാജന്‍ ഹാരാര്‍പ്പണം നടത്തി സ്വീകരിച്ചു.