പാലക്കാട്: 'മാനവിക രാഷ്ട്രീയം മാതൃകാ യൗവ്വനം' എന്ന പ്രമേയവുമായി മുസ്‌ലിം യൂത്ത്‌ലീഗ് ജില്ലാ കമ്മിറ്റി നടത്തി വരുന്ന ക്യാംപയ്‌നിന്റെ ഭാഗമായി സംഘടിപ്പിക്കുന്ന 'യുവചിന്തനം'  യൂത്ത് ലീഡര്‍ ഷിപ്പ് ക്യാംപ്  മാര്‍ച്ച് 24, 25 തിയ്യതികളില്‍ അട്ടപ്പാടി ക്യാംപ് സെന്ററില്‍ നടക്കും.
ജില്ലയില്‍ യുവജന രാഷ്ട്രീയത്തിന് നേതൃത്വം നല്‍കുന്ന യൂത്ത്‌ലീഗ് നേതൃനിര സംഗമിക്കുന്ന ക്യാംപില്‍ പഞ്ചായത്ത് മുന്‍സിപ്പല്‍ കമ്മിറ്റി പ്രസിഡന്റ്, ജന.സെക്രട്ടറി, ട്രഷറര്‍, മണ്ഡലം പ്രവര്‍ത്തക സമിതി അംഗങ്ങള്‍ പങ്കെടുക്കും.
ക്യാംപ് പ്രതിനിധികളുടെ രജിസ്‌ട്രേഷന്‍ മണ്ഡലം നിരീക്ഷരുടെ മേല്‍നോട്ടത്തില്‍ നടന്നു വരുന്നത് ഇന്ന് പൂര്‍ത്തിയാകും. 24നു വൈകിട്ട് നാലിന് തുടങ്ങി 25 ന് വൈകിട്ട് സമാപിക്കുന്ന ക്യാംപില്‍ പങ്കെടുക്കുന്നതിന് ബന്ധപ്പെട്ട മുഴുവന്‍ പ്രതിനിധികളും രജിസ്‌ട്രേഷന്‍ ഉറപ്പു വരുത്തണമെന്ന് ജില്ലാ പ്രസിഡന്റ് സി.എ സാജിത്, ജന.സെക്രട്ടറി ഗഫൂര്‍ കോല്‍കളത്തില്‍ അഭ്യര്‍ഥിച്ചു.