കയ്പമംഗലം: ദേശീയപാത 17 ചെന്ത്രാപ്പിന്നി ഹൈസ്‌കൂള്‍ റോഡിനു സമീപം മീന്‍ കയറ്റിവന്ന ലോറിയും, സ്‌കൂട്ടറും കൂട്ടിയിടിച്ച്  മൂന്ന് പേര്‍ക്ക് പരുക്ക്. സ്‌കൂട്ടര്‍ യാത്രികരായ മതിലകം പുന്നക്കബസാര്‍ പേരമംഗലത്ത് അജ്മല്‍ (19), ഇരിങ്ങാലക്കുട പാണങ്ങാട്ട് സഞ്ജയ് (23), ലോറി ഡ്രൈവര്‍ വിഴിഞ്ഞം സ്വദേശി മേല്‍ഭവനില്‍ വിജയന്‍ (52) പരുക്കേറ്റത്. ഇവരെ മൂന്നുപീടിക ഗാര്‍ഡിയന്‍ ആശുപത്രിയില്‍ പ്രവേശിപ്പിച്ചു.
ഇന്നലെ പുലര്‍ച്ചെ മൂന്നു മണിയോടെയായിരുന്നു അപകടം. അപകടത്തെ തുടര്‍ന്ന് ലോറിയിലുണ്ടായിരുന്ന മത്സ്യം റോഡില്‍ ചിതറി. പിന്നീട് മറ്റൊരു വാഹനം കൊണ്ട് വന്ന് മത്സ്യം കയറ്റികൊണ്ട് പോകുകയായിരുന്നു.
അപകടത്തില്‍ സ്‌കൂട്ടര്‍ പൂര്‍ണമായും തകര്‍ന്നു. മതിലകം പൊലിസും, ലൈഫ്ഗാര്‍ഡ്, ആക്ട്‌സ്പ്രവര്‍ത്തകരും, സ്ഥലത്തെത്തി ഗതാഗതം നിയന്ത്രിച്ചു.