വാടാനപ്പള്ളി: ദമ്പതികള്‍ ആശുപത്രിയിലായിരിക്കെ വീട്ടില്‍ നിന്ന് വസ്ത്രങ്ങളും പണവും മോഷ്ടിച്ചു. ഏങ്ങണ്ടിയൂര്‍ ചന്തപ്പടി വടക്ക് ചെമ്പന്‍ രാമന്റെ വീട്ടിലാണ് മോഷണം നടന്നത്.  ഓലപ്പുരയിലെ റാക്കില്‍ സൂക്ഷിച്ചിരുന്ന വസ്ത്രങ്ങളും 15,000 രൂപയുമാണ് അപഹരിക്കപ്പെട്ടത്.രാമന്‍ അസുഖബാധിതനായതിനെ തുടര്‍ന്ന് ഒരാഴ്ചയായി ഭാര്യ പ്രസന്നയോടൊപ്പം മെഡിക്കല്‍ കോളജ് ആശുപത്രിയിലായിരുന്നു. കഴിഞ്ഞ വെള്ളിയാഴ്ച ഇവര്‍ വീട്ടിലെത്തി നോക്കിയപ്പോള്‍ പഴക്കമുള്ള വസ്ത്രങ്ങള്‍ ബാക്കിവച്ച് മറ്റ് വസ്ത്രങ്ങള്‍ അപഹരിച്ച നിലയില്‍ കാണപ്പെടുകയായിരുന്നു.
ഇന്നലെ വീട്ടില്‍ പൈപ്പ് താഴ്ത്തുന്നതിനു തൊഴിലാളികള്‍ എത്തിയതിനെ തുടര്‍ന്ന് നോക്കിയപ്പോഴാണു വസ്ത്രങ്ങള്‍ക്കിടയില്‍ സൂക്ഷിച്ചിരുന്ന പണം അപഹരിക്കപ്പെട്ടതായി അറിയുന്നത്.  വാടാനപ്പള്ളി പൊലിസില്‍ പരാതി നല്‍കി.