ചെങ്ങന്നൂര്‍: കാറുമായി കൂട്ടിയിടിച്ച് നിയന്ത്രണം തെറ്റിയ ഓട്ടോറിക്ഷ റോഡിന് സമീപമുള്ള ഓടയിലേക്ക് മറിഞ്ഞു.
ഓട്ടോ ഡ്രൈവര്‍ പരുക്കേല്‍ക്കാതെ അത്ഭുതകരമായി രക്ഷപെട്ടു.മുളക്കുഴ പള്ളിപ്പടി ജങ്ഷന് സമീപം ഇന്നലെ വൈകിട്ട് അഞ്ചു മണിക്കായിരുന്നു അപകടം.
പന്തളം ഭാഗത്തേക്കു പോകുകയായിരുന്ന കാര്‍ റോഡിന് വലത് വശത്തുള്ള പാര്‍ക്കിങ് ഗ്രൗണ്ടിലേക്ക് തിരിക്കുന്നതിനിടെ അതേ ദിശയിലേക്ക് പോകുകയായിരുന്ന ഓട്ടോറിക്ഷ കാറിനെ മറികടക്കാന്‍ ശ്രമിക്കുമ്പോഴാണ് അപകടം സംഭവിച്ചത്.
നിയന്ത്രണം വിട്ട ഓട്ടോറിക്ഷ കുത്തനെ ഓടയിലേക്ക് മറിയുകയായിരുന്നു.