ഹരിപ്പാട്: കുടിവെള്ളപദ്ധതികള്‍ പാളിയതോടെ വെള്ളം കിട്ടാതെ ഗ്രാമവാസികള്‍ ദുരിതത്തില്‍.1988 ല്‍  കെ.സി ജോസഫ് എം.എല്‍.എ ആയിരിക്കെ പായിപ്പാട്ട് ഒരു ജല സംഭരണി സ്ഥാപിച്ചതാണ്  ഇവിടുത്തെ ആദ്യകുടിവെള്ളപദ്ധതി.കുട്ടനാട് പാക്കേജില്‍ഉള്‍പ്പെടുത്തി 5 ആര്‍.ഓ പ്ലാന്റുകളും,ജില്ലാപഞ്ചായത്തു വക രണ്ട് മിനിടാങ്കുകളുമാണ് ഇവിടുത്തെ നിലവിലുള്ള കുടിവെള്ള പദ്ധതികള്‍. പദ്ധതികള്‍ നിലവില്‍ വരുന്നതിന് മുമ്പ് പൊതുകിണറുകളും, കുളങ്ങളും നദികളെയുമാണ് നാട്ടുകാര്‍ ആശ്രയിച്ചിരുന്നത്.
 എന്നാല്‍ ഇന്ന് പൊതുകിണറുകളും കുളങ്ങളുംസ്വകാര്യവ്യക്തിളുടെ അധീനതയിലും, നദികളാകട്ടെ മലിനവുമായി.പായിപ്പാട്ടെ 250000 ലിറ്റര്‍സംഭരണിശേഷിയുള്ള ജലസംഭരണി എക്കല്‍ നിറഞ്ഞ് വൃത്തിഹീനമാണെന്നു പരക്കെ ആക്ഷേപമുണ്ട്.
 ആറുകളില്‍നിന്നും സംഭരിച്ച് ഫില്‍റ്റര്‍ ചെയ്ത്  വിതരണംചെയ്തിരുന്ന കുടിവെള്ളത്തില്‍ മാലിന്യം കണ്ടതിനെ തുടന്ന് ആര്‍.ഓ.പ്ലാന്റുകള്‍ അടച്ചു പൂട്ടുകയും ചെയ്തു.വേനല്‍ കനത്തതോടെ കുഴല്‍ കിണറുകളില്‍  നിന്നുവെള്ളം ആവശ്യത്തിനു ലഭിക്കാത്തതിനാല്‍ മിനി ടാങ്കുകളുടെ  പ്രവര്‍ത്തനങ്ങളും അവതാളത്തിലുമായി. കഴിഞ്ഞ വരള്‍ച്ച വേളയില്‍ സ്ഥാപിച്ച അഞ്ചു കിയോസ്‌ക്കുകള്‍ നിലവില്‍  നോക്കു കുത്തികളായി.
 നീരേറ്റുപുറത്തു നിന്നും ഇവിടേക്ക് കുടിവെള്ളമെത്തിക്കുകയെന്ന ലക്ഷ്യത്തോടെ പൈപ്പ് ലൈന്‍ സ്ഥാപിച്ചിട്ടുണ്ടെങ്കിലും അതും കമ്മീഷന്‍ ചെയ്തിട്ടില്ല.
വരള്‍ച്ചയെ നേരിടുന്നതിന് സംസ്ഥാന സര്‍ക്കാര്‍പല പദ്ധതികളാണ് ആവിഷ്‌കരിച്ചിരിക്കുന്നത്.ജല ദൗര്‍ലഭ്യത നേരിടുന്നതിന് വാര്‍ഡുകള്‍ തോറും കിയോസ്‌ക്കുകള്‍ സ്ഥാപിയ്ക്കണമെന്നാണ് വകുപ്പ്മന്ത്രിയുടെപ്രഖ്യാപനം.
ഉപയോഗശൂന്യമായി കിടക്കുന്നകുളങ്ങളും,കിണറുകളും മാലിന്യം നിറഞ്ഞവവൃത്തിയാക്ക ൃണമെന്നും വകുപ്പ്തലത്തില്‍ നിര്‍ദേശങ്ങളുണ്ടായിട്ടും ഗ്രാമപഞ്ചായത്ത് വേണ്ട നടപടികള്‍ സ്വീകരിയ്ക്കാത്തതിനാല്‍പ്രദേശ വാസികള്‍ സമരപരിപാടികള്‍ക്ക് ഒരുങ്ങുകയാണ്.