പാനൂര്‍: തെരഞ്ഞെടുപ്പ് വിജയാഹ്ലാദ പ്രകടനം നടത്തിയ ബി.ജെ.പി പ്രവര്‍ത്തകരും മുസ്‌ലിം ലീഗ് പ്രവര്‍ത്തകരും തമ്മില്‍ സംഘര്‍ഷം. യൂത്ത്‌ലീഗ് പ്രവര്‍ത്തകനെ ആശുപത്രിയില്‍ പ്രവേശിപ്പിച്ചു. പ്രകടനത്തിനിടെ പ്രകോപനപരമായ മുദ്രാവാക്യം വിളിച്ചതും മുസ്‌ലിം ലീഗ് പതാക പരസ്യമായി നശിപ്പിച്ചതുമാണ് സംഘര്‍ഷത്തിനു വഴിവെച്ചത്. ഇന്നലെ രാത്രി എട്ടര മണിയോടെ ടൗണിനടുത്ത ചെട്ട്യാര്‍ പീടികയിലാണ് സംഭവം. സംഘര്‍ഷത്തില്‍ പരുക്കേറ്റ കടന്നോള്‍ മുനീറിനെ (18) യാണ് തലശ്ശേരി സ്വകാര്യ ആശുപത്രിയില്‍ പ്രവേശിപ്പിച്ചത്. പാനൂര്‍ സി.ഐ, കൊളവല്ലൂര്‍ എസ്.ഐമാര്‍ സ്ഥലത്തെത്തി.