സമൂഹമാധ്യമങ്ങളിലൂടെ വ്യാപകമായി വിവരചോര്‍ച്ച നടക്കുന്നതായുള്ള വാര്‍ത്തകള്‍ വന്നതിനു പിന്നാലെ ഉപഭോക്താക്കളോട് പാസ്‌വേര്‍ഡ് മാറ്റാനാവശ്യപ്പെട്ടിരിക്കുകയാണ് പ്രധാന ആപ്ലിക്കേഷനായ ട്വിറ്റര്‍.ലോകത്തെ 33 കോടി ഉപഭോക്താക്കളോടാണ് ട്വിറ്റര്‍ പാസ്‌വേര്‍ഡ് മാറ്റാന്‍ ആവശ്യപ്പെട്ടിട്ടുള്ളത്. ഇന്റേര്‍ണല്‍ ലോഗില്‍ സംഭവിച്ച പിഴവ് സംഭവിച്ചതിനാലാണ്് ട്വിറ്റര്‍ പാസ്‌വേര്‍ഡ് മാറ്റാന്‍ ആവശ്യപ്പെട്ടത്. എന്നാല്‍ ജീവനക്കാര്‍ ആരുംതന്നെ ദുരുപയോഗം ചെയ്തില്ലെന്നും പ്രശ്‌നം പരിഹരിച്ചതായും കമ്പനി വ്യക്തമാക്കി. പാസ്‌വേര്‍ഡ് നല്‍കുമ്പോള്‍ അത് മറക്കുന്ന ഹാഷിങ്ങിലാണ് പിഴവ് സംഭവിച്ചത്. തുടര്‍ന്ന് ഇത് മറയില്ലാത്തെ കാണിക്കുന്ന സ്ഥിതിയിലായിരുന്നു. എന്നാല്‍ ഒരു മുന്‍കരുതലെന്ന നിലക്കാണ് പാസ്‌വേര്‍ഡ് മാറ്റാന്‍ ആവശ്യപ്പെട്ടതെന്നും ഇത് എത്ര ഉപഭോക്താക്കളെ ബാധിച്ചുവെന്ന് അറിയില്ലെന്നും ട്വിറ്റര്‍ ചീഫ് എക്‌സിക്യുട്ടീവ് ജാക്‌സ് ഡോഴ്‌സ് ട്വീറ്റില്‍ വ്യക്തമാക്കി.
2006ലാണ് അമേരിക്കയിലെ സാന്‍ഫ്രാന്‍സിസ്‌കോയില്‍ ട്വിറ്റര്‍ ആരംഭിച്ചത്. തുടര്‍ന്ന് ചെറിയ കാലയളവില്‍ തന്നെ ഇത് പ്രചാരത്തിലാവുകയും ചെയ്തു. നിലവില്‍ ട്വിറ്ററിന് ലോകത്താകമാനം നൂറുകോടിയിലധികം ഉപഭോക്താക്കളുള്ളതായാണ് കണക്ക്.