വെങ്ങപ്പള്ളി: ശംസുല്‍ ഉലമാ ഇസ്‌ലാമിക് അക്കാദമി റമദാന്‍ കാംപയിനോട് അനുബന്ധിച്ച് മേഖലാ തലങ്ങില്‍ നടത്തപ്പെടുന്ന ശിഹാബ് തങ്ങള്‍ അനുസ്മരണ സംഗമങ്ങള്‍ക്ക് തുടക്കമായി.
കമ്പളക്കാട് ലീഗ് ഹൗസ് ഓഡിറ്റോറിയത്തില്‍ നടന്ന ചടങ്ങ് ജില്ലാ ചെയര്‍മാന്‍ പി. കുഞ്ഞബ്ദുള്ള ഹാജി ഉദ്ഘാടനം ചെയ്തു. ഇബ്‌റാഹീം ഫൈസി പേരാല്‍ അനുസ്മരണ പ്രഭാഷണം നടത്തി. അബ്ദുറഹ്മാന്‍ ഫൈസി പ്രാര്‍ഥന നടത്തി. മുട്ടില്‍ മേഖലാ സംഗമം സമസ്ത ജില്ലാ സെക്രട്ടറി എസ്. മുഹമ്മദ് ദാരിമി ഉദ്ഘാടനം ചെയ്തു. അബ്ബാസ് വാഫി അനുസ്മരണ പ്രഭാഷണം നടത്തി. മുഹമ്മദലി യമാനി പ്രാര്‍ഥന നടത്തി. മീനങ്ങാടി മേഖലാ സംഗമം എന്‍.കെ റഷീദ് ഹാജി ഉദ്ഘാടനം ചെയ്തു. മുസ്തഫല്‍ ഫൈസി അനുസ്മരണ പ്രഭാഷണം നടത്തി. ജഅ്ഫര്‍ ഹൈത്തമി പ്രാര്‍ഥന നടത്തി. സുല്‍ത്താന്‍ ബത്തേരി മേഖലാ സംഗമം ടി. മുഹമ്മദ് ഉദ്ഘാടനം ചെയ്തു. കെ.എ നാസര്‍ മൗലവി അനുസ്മരണ പ്രഭാഷണം നടത്തി. അബൂബര്‍ ഫൈസി മണിച്ചിറ പ്രാര്‍ഥന നടത്തി. ആനപ്പാറ മേഖലാ സംഗമം ഇമ്പിച്ചിക്കോയ തങ്ങള്‍ ഉദ്ഘാടനം ചെയ്തു. അബൂബക്കര്‍ റഹ്മാനി അനുസ്മരണ പ്രഭാഷണം നടത്തി. ഉമര്‍ നിസാമി പ്രാര്‍ഥന നടത്തി. പൊഴുതന മേഖല സംഗമം എം. മുഹമ്മദ് ബഷീര്‍ ഉദ്ഘാടനം ചെയ്തു. ഖാസിം ദാരിമി അനുസ്മരണ പ്രഭാഷണം നടത്തി. അബ്ദുല്ല കുട്ടി ദാരിമി പ്രാര്‍ഥന നടത്തി. സംഗമങ്ങളില്‍ മേഖലാതലങ്ങളില്‍ നേതൃത്വം നല്‍കുന്നതിനായി പുതിയ ഭാരവാഹികളെ തെരഞ്ഞെടുത്തു.