കൊടുവള്ളി: കൈപന്തുകളിക്ക് പെരുമ കേട്ട കരുവന്‍പോയിലില്‍ വീണ്ടും സ്മാഷിന്റെ താളത്തിനൊപ്പം ആരാധകരുടെ നിലക്കാത്ത കയ്യടി.
ഫെയ്മസ് ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ്ബ് സംഘടിപ്പിക്കുന്ന കെ.വി ലത്തീഫ് സ്മാരക അഖില കേരള വോളിബോള്‍ ടൂര്‍ണമെന്റാണ് കരുവന്‍പൊയില്‍ പ്രദേശത്തുകാരുടെ കളിക്കമ്പത്തിന്റെ നേര്‍ചിത്രമാവുന്നത്.
കൊച്ചിന്‍ കസ്റ്റംസ്, കേരളാ പൊലിസ്, കെ.എസ്.ഇ.ബി തിരുവനന്തപുരം, ഇന്ത്യന്‍ നേവി, കേരളാ പോസ്റ്റല്‍ , ഇന്ത്യന്‍ എയര്‍ഫോഴ്‌സ്, കൊച്ചിന്‍ പോര്‍ട്ട് ട്രസ്റ്റ് തുടങ്ങി കേരളത്തിലെ മുന്‍നിര ടീമുകളാണ് ടൂര്‍ണമെന്റില്‍ പങ്കെടുക്കുന്നത്. കാരാട്ട് റസാഖ് എം.എല്‍.എ ടൂര്‍ണമെന്റ് ഉദ്ഘാടനം ചെയ്തു.
ഫെയ്മസ് ക്ലബ്ബ് പ്രസിഡന്റ് പി.ടി മുഹമ്മദ് അധ്യക്ഷനായി. ടി.പി.സി മുഹമ്മദ് മാസ്റ്റര്‍, വായോളി മുഹമ്മദ് മാസ്റ്റര്‍, കെ. അബ്ദുല്‍ ഖാദര്‍ മാസ്റ്റര്‍, പി. ഫൈസല്‍, എം.സി സുരേഷ് ബാബു സംസാരിച്ചു.
കേരളാ വോളിബോള്‍ ടീം പരിശീലകന്‍ നാസറിനെ ചടങ്ങില്‍ ആദരിച്ചു.
ടൂര്‍ണമെന്റിന്റെ ലാഭവിഹിതം ജീവകാരുണ്യ പ്രവര്‍ത്തനങ്ങള്‍ക്ക് വിനിയോഗിക്കാനാണ് സംഘാടകരുടെ തീരുമാനം.