കൊണ്ടോട്ടി: മേലങ്ങാടി ജി.എം.എല്‍.പി സ്‌കൂള്‍ നവതി ആഘോഷം 30,31 തിയതികളില്‍ നടക്കും. ഇതോടനുബന്ധിച്ച് പൂര്‍വ അധ്യാപക, വിദ്യാര്‍ഥി സംഗമം 18ന് നടക്കും. ടി.വി ഇബ്രാഹീം എം.എല്‍.എ ഉദ്ഘാടനം ചെയ്യും.ഉപജില്ലയില്‍ നാനൂറിലധികം വിദ്യാര്‍ഥികളുള്ള ഏക എല്‍.പി സ്‌കൂളാണിത്. മുനിസിപ്പാലിറ്റി, എസ്.എസ്.എ, പി.ടി.എ, പൂര്‍വ വിദ്യാര്‍ഥികള്‍, മേവ, കൊണ്ടോട്ടി സെന്റര്‍ ജിദ്ദ സംഘടനകള്‍ തുടങ്ങിയവരുടെ സഹകരണത്തോടെ സ്‌കൂളിന്റെ അടിസ്ഥാന സൗകര്യങ്ങള്‍ വര്‍ധിപ്പിക്കാനും തീരുമാനിച്ചിട്ടുണ്ട്. വാര്‍ത്താസമ്മേളനത്തില്‍ മഠത്തില്‍ മുഹമ്മദ് കുട്ടി, കെ.ടി റഹ്മാന്‍ തങ്ങള്‍, അഷ്‌റഫ് മടാന്‍, ഇ.എം റഷീദ്, സി.ഡി ഉഷ, പി.കെ ഹനീഫ, ചുള്ളിയന്‍ നൗഷാദ്, കല്ലുങ്ങല്‍ ബഷീര്‍ സംബന്ധിച്ചു.