തൃശൂര്‍: സ്‌നേഹതീരം ബീച്ചിന് വടക്ക് അറപ്പക്ക് സമീപം കടലില്‍ കുളിക്കുന്നതിനിടയില്‍ തിരയില്‍ അകപ്പെട്ട രണ്ടു പേരില്‍ ഒരാള്‍ മരിച്ചു. ഒരാളെ രക്ഷപ്പെടുത്തി. ഇന്ന് ഉച്ചതിരിഞ്ഞ് നാല് മണിയോടെ നടന്ന സംഭവത്തില്‍ തമിഴ്‌നാട് സ്വദേശി അഭിഷേക് (23) ആണ് മരിച്ചത്. രണ്ട് കാറുകളിലായി കടപ്പുറത്തെത്തിയ ഒമ്പത് പേരില്‍ ആറ് പേരാണ് കടലിലിറങ്ങിയത്, ഇതിനിടെ രണ്ട് പേര്‍ തിരയില്‍പ്പെടുകയായിരുന്നു.

കടലിലകപ്പെട്ട ഹസ്സന്‍ ആഷിഖിനെ (20) നാട്ടുകാര്‍ ഉടന്‍ തന്നെ രക്ഷപ്പെടുത്തി. അര മണിക്കൂറോളം നടത്തിയ തിരച്ചിലിന് ശേഷം അഭിഷേകിനെ പുറത്തെടുത്ത് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. കോയമ്പത്തൂര്‍ മെഡിക്കല്‍ കോളേജിലെ എം.ബി.ബി.എസ് വിദ്യാര്‍ത്ഥിയാണ് അഭിഷേക്. വിവരമറിഞ്ഞ് വാടാനപ്പള്ളി പൊലിസ് സംഭവ സ്ഥലത്തെത്തിയിരുന്നു.

Tragedy strikes as an MBBS student loses life while swimming in the sea. Another person rescued in dramatic coastal rescue operation. Get the latest updates.