നീലേശ്വരം: രാജാറോഡ് വികസനത്തിന്റെ ഭാഗമായി കുടിയൊഴിപ്പിക്കപ്പെടുന്നവര്‍ക്കു നഷ്ടപരിഹാരം നല്‍കുന്ന കാര്യം പരിഗണനയില്‍. കുടിയൊഴിപ്പിക്കപ്പെടുന്ന കെട്ടിട ഉടമകള്‍, വ്യാപാരികള്‍, തൊഴിലാളികള്‍ എന്നിവര്‍ക്കായിരിക്കും നഷ്ടപരിഹാരം നല്‍കുക. രാജാറോഡ് ഉള്‍പ്പെടെയുള്ള വികസന പ്രവര്‍ത്തികള്‍ക്കു ബജറ്റില്‍ 40 കോടി രൂപ വകയിരുത്തിയിരുന്നു. ഇതില്‍ നിന്നായിരിക്കും നഷ്ടപരിഹാരത്തിനുള്ള തുക കണ്ടെത്തുക. കെട്ടിടം ഉടമകള്‍ക്കു പി.ഡബ്ല്യു.ഡി നിരക്കിലായിരിക്കും നഷ്ടപരിഹാരം നല്‍കുക. രാജാറോഡ് വികസനത്തിനു 380 സെന്റ് സ്ഥലമായിരിക്കും ഏറ്റെടുക്കേണ്ടി വരുക. 14 മീറ്റര്‍ വീതിയിലുള്ള റോഡ് വികസനമാണ് ഉദ്ദേശിക്കുന്നത്. ഇതില്‍ രണ്ടു മീറ്റര്‍ ഓവുചാലിനും നടപ്പാതയ്ക്കുമാണ്.