നെട്ടൂര്‍: കുമ്പളം ഗ്രാമീണ ഗ്രന്ഥശാലയില്‍ സംസ്ഥാന ലൈബ്രറി കൗണ്‍സിലിന്റെ സഹായത്തോടെ നടപ്പിലാക്കുന്ന ഇ-വിജ്ഞാന സേവനകേന്ദ്രം കുമ്പളം പഞ്ചായത്ത് പ്രസിഡന്റ് ഷേര്‍ളി ജോര്‍ജ് ഉദ്ഘാടനം ചെയ്തു. ആധുനിക വിവര സാങ്കേതിക വിദ്യയുടെ ഗുണഫലങ്ങള്‍ വിജ്ഞാനാര്‍ഥികള്‍ക്കു പ്രയോജനപ്പെടുത്തുക എന്ന പദ്ധതിയുടെ ഭാഗമായിട്ടാണ് കേന്ദ്രം തുറന്നിട്ടുള്ളത്.
വിദ്യാര്‍ഥികള്‍ക്ക് കംപ്യൂട്ടര്‍ സേവനങ്ങള്‍ (പ്രിന്റൗട്ട്, ഇന്റര്‍നെറ്റ്), പി.എസ്.സി ഓണ്‍ലൈന്‍ റജിസ്‌ട്രേഷന്‍ എന്നിവയും കേന്ദ്രത്തില്‍ ലഭ്യമാണ്. ഗ്രന്ഥശാലാ പ്രസിഡന്റ് കെ.ജി മുരളീധരന്‍ അധ്യക്ഷത വഹിച്ചു. ദിവ്യ മിഥുന്‍, പി.എസ് ഹരിദാസ്, ടി.എസ് സജിത, ഡി.ആര്‍ രാജേഷ്, കെ.എസ് ഗിരിജാ വല്ലഭന്‍, എം.എം സരിത എന്നിവര്‍ പ്രസംഗിച്ചു.