നീലേശ്വരം: നീലേശ്വരത്തു നിന്ന് കഞ്ചാവ് വില്‍പനക്കാരെ പിടികൂടി. മലപ്പുറം സ്വദേശികളായ ഷുഹൈബ് (20), ഷാഹിദ് (21) എന്നിവരാണ് പള്ളിക്കരയിലെ വാടക ക്വാര്‍ട്ടേഴ്‌സില്‍ നിന്നു പിടിയിലായത്. 60 ഗ്രാം കഞ്ചാവും ഇവരില്‍ നിന്നു പിടിച്ചെടുത്തു.
 തട്ടുകടകളുടെ മറവില്‍ കഞ്ചാവു വില്‍പന നടത്തുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിലാണ് പൊലിസ് പരിശോധന നടത്തിയത്. സ്‌കൂള്‍ വിദ്യാര്‍ഥികളെ കേന്ദ്രീകരിച്ചായിരുന്നു ഇവരുടെ വില്‍പന. തട്ടുകടകളില്‍ ഭക്ഷണം കഴിക്കാനെന്ന വ്യാജേന എത്തി കഞ്ചാവ് കൈമാറുകയാണ് പതിവ്. ഇരുവരേയും കോടതിയില്‍ ഹാജരാക്കി റിമാന്റ് ചെയ്തു.