ചവറ: ഐ.ആര്‍.ഇ കമ്പനിക്ക് മുന്‍പില്‍ സംയുക്ത ട്രേഡ് യൂനിയനുകളുടെ ആഭിമുഖ്യത്തില്‍ അനിശ്ചിതകാല നിരാഹാര സത്യാഗ്രഹം തുടങ്ങി. കാലാവധി കഴിഞ്ഞ് നാല് വര്‍ഷമായിട്ടും ദീര്‍ഘകാല കരാര്‍ നടപ്പിലാക്കാത്ത മാനേജ്‌മെന്റിന്റെ നിലപാടില്‍ പ്രതിഷേധിച്ചാണ് സമരം. സി.ഐ.ടി.യു,ഐ.എന്‍.ടി.യു.സി യുനിയനുകളുടെ സംയുക്താഭിമുഖ്യത്തില്‍ ആരംഭിച്ച സമരം ഇന്നു നാലാം ദിവസത്തിലേക്ക് കടക്കും. നിരാഹാര സമരം തുടങ്ങുന്നതിന് മുമ്പായി യൂനിയനുകളുടെ നേതൃത്തത്തില്‍ സത്യാഗ്രഹ സമരവും യോഗവും നടത്തിയിട്ടും മാനേജ്‌മെന്റ്  അനുകൂല നിലപാട് സ്വീകരിക്കാത്തതിനെ തുടര്‍ന്നാണ് യുനിയനുകള്‍ സമരം ശക്തിപെടുത്തിയത.് സമരം സി.ഐ.ടി.യു സംസ്ഥാന സെക്രട്ടറി എന്‍. പത്മലോചനന്‍ ഉദ്ഘാടനം ചെയ്തു. ഐ.എന്‍.ടി.യു.സി നേതാവ് സേതുനാഥന്‍ പിള്ള അധ്യക്ഷനായി. പാര്‍ഥസാരഥി, രാജേന്ദ്രന്‍പിള്ള, മനു എന്നിവര്‍ സംസാരിച്ചു.