തിരുവനന്തപുരം: അല്‍ഹാദി അസോസിയേഷന്‍ സില്‍വര്‍ ജൂബിലി ഉദ്ഘാടന സമ്മേളനവും ശൈഖുനാ കോയാ ഉസ്താദ് 3-ാം അനുസ്മരണ സമ്മേളനവും  നാളെ  അലുവ തോട്ടക്കാട്ടുകര ജുമുആ മസ്ജിദ് അങ്കണത്തിലും കണിയാംകുന്ന് ഏലപ്പാടം ഗ്രൗണ്ടിലുമായി നടക്കും. പാണക്കാട് മുനവ്വറലി ശിഹാബ് തങ്ങള്‍ സമ്മേളനം ഉദ്ഘാടനം ചെയ്യും. മുന്‍മന്ത്രി വി.കെ. ഇബ്രാഹീംകുഞ്ഞ് എം.എല്‍.എ ജീവിതോപാധി വിതരണോദ്ഘാടനവും അന്‍വര്‍ സാദത്ത് എം.എല്‍.എ. സില്‍വര്‍ ജൂബിലി ഉപഹാര സമര്‍പ്പണവും നടത്തും. യോഗത്തില്‍ എന്‍.എം. ഇസ്മാഈല്‍ മൗലവി അധ്യക്ഷനാകും.  
പി.പി. ഇസ്ഹാഖ് മൗലാനാ, കെ.കെ. സുലൈമാന്‍ മൗലാനാ, കാഞ്ഞാര്‍ അഹ്മദ് കബീര്‍ ബാഖവി, ചിറയിന്‍കീഴ് നൗഷാദ് ബാഖവി, ഡോ. അബ്ബാസ് എന്നിവര്‍ സംസാരിക്കും.