കോതമംഗലം: ഗവ: ടൗണ്‍ യൂ.പി സ്‌കൂളിലെ എസ്.എം.സി ചെയര്‍മാന്‍ രചനയും സംവിധാനവും നിര്‍വ്വഹിച്ച ഹ്രസ്വചിത്രം വിത്തിന്റെ സി.ഡി പ്രകാശനം മിമിക്‌സ് താരം സാബു ആരക്കുഴ നിര്‍വ്വഹിച്ചു. മദ്യത്തിന്റെ ലഹരിയില്‍ കുടുംബ ജീവിതം തകര്‍ന്ന പിതാവിനെ കൃഷിയുടെ ലഹരിയിലേക്ക് മടക്കി കൊണ്ടുവന്ന മകന്റെ കഥയാണ് വിത്ത് എന്ന ഹ്രസ്വചിത്രം .സ്‌കൂളിലെ കുട്ടികളും അദ്ധ്യാ പകരും എസ് എം സിമെമ്പേഴ്‌സും കഥാപാത്രങ്ങളായ ചിത്രത്തിന്റെ സ്വീച്ചോണ്‍ കര്‍മ്മം ആന്റണി ജോണ്‍ എം എല്‍. എ നിര്‍വ്വഹിച്ചു. സി ഡി പ്രകാശന ചടങ്ങില്‍ വാര്‍ഡ് കൗണ്‍സിലര്‍ പ്രിന്‍സി എല്‍ദോസ് അദ്ധ്യക്ഷത വഹിച്ച യോഗം മുനിസിപ്പല്‍ ചെയര്‍പേഴ്‌സന്‍ മഞജു സിജു ഉദ്ഘാടനം ചെയ്തു കെ.എ.നൗഷാദ്, ത്സാന്‍സി മാത്യു തുടങ്ങിയവര്‍ പ്രസംഗിച്ചു.