കോഴിക്കോട്: കോഴിക്കോട് പോര്‍ട്ട് അതോറിറ്റിയുടെ സഹകരണത്തോടെ ഗ്രീന്‍ കെയര്‍ മിഷനും കാലിക്കറ്റ് പെഡലേഴ്‌സ് സൈക്കിള്‍ ക്ലബും സംയുക്തമായി കാലിക്കറ്റ് ഹെറിറ്റേജ് റൈഡ് സംഘടിപ്പിച്ചു. കോഴിക്കോടിനെ പൈതൃക നഗരമായി പ്രഖ്യാപിക്കുന്നതിന്റെ ഭാഗമായാണ് റൈഡ് നടത്തിയത്. ഇന്നലെ രാവിലെ 6.30ന് കോര്‍പറേഷന്‍ ഓഫിസിനു പരിസരത്തു നിന്നാരംഭിച്ച റൈഡ് പോര്‍ട്ട് ഓഫിസര്‍ അശ്വനി പ്രതാപ് ഫ്‌ളാഗ് ഓഫ് ചെയ്തു.
മര്‍ച്ചന്റ് നേവി ഹാളില്‍ റെയ്‌ഡേഴ്‌സ് ഗായറിങും സംഘടിപ്പിച്ചു. ഗ്രീന്‍ കെയര്‍ മിഷന്‍ ചെയര്‍മാന്‍ കെ.ടി.എ നാസര്‍ അധ്യക്ഷനായി. ഡോ. ഷാഫി എന്‍.ഐ.ടി, അജീഷ് അത്തോളി, അര്‍ഷാദ്, ഇല്യാസ് ചേനക്കല്‍, ഹസന്നൂല്‍ ബസരി പ്രസംഗിച്ചു.