ലക്‌നൗ: ഉത്തര്‍പ്രദേശില്‍ ബി.ജെ.പി ജയിച്ചതിനു പിന്നാലെ എസ്.പി നേതാക്കള്‍ക്കെതിരേയും മുന്‍ എം.എല്‍.എമാര്‍ക്കെതിരേയും വ്യാപകമായ അധിക്ഷേപങ്ങള്‍ നടന്നുവരികയാണ്. അതിന്റെ ഭാഗമെന്നോണം എസ്.പിയുടെ മുന്‍ എം.എല്‍.എയുടെ ഹോസ്റ്റലിന് 'മോദി മാജിക്ക്' എന്നെഴുതിയ താഴിട്ടു പൂട്ടി.

ലകനൗ സെന്‍ട്രലില്‍ മത്സരിച്ച രവിദാസ് മഹ്‌റോത്ര എന്ന് എസ്.പി നേതാവിനെയാണ് മുന്നറിയിപ്പു കൂടാതെ പൂട്ടിപ്പുറത്താക്കിയത്. 2012 ല്‍ ഇതേ മണ്ഡലത്തില്‍ നിന്നു ജയിച്ച ഇദ്ദേഹം ഇപ്രാവശ്യം ബി.ജെ.ബിയിലെ ബ്രിജേഷ് പതക്കിനോട് തോല്‍ക്കുകയായിരുന്നു.

തോറ്റതിനു പിന്നാലെ മുന്‍ സര്‍ക്കാര്‍ അംഗങ്ങളില്‍ അധികം പേരും ഔദ്യോഗിക വസതികള്‍ ഒഴിഞ്ഞിരുന്നു. രവിദാസും ഒഴിയാനിരിക്കുകയായിരുന്നു. വസതി ഒഴിയാന്‍ വേണ്ടി നിര്‍ദേശമൊന്നും ലഭിച്ചിട്ടില്ലെന്നും താനെന്തായാലും മാറാനിരിക്കുകയാണെന്നും അദ്ദേഹം പ്രതികരിച്ചു.

ബി.ജെ.പിയുടെ നേതൃത്വത്തിലുള്ള പുതിയ സര്‍ക്കാര്‍ ഞായറാഴ്ചയാണ് അധികാരമേല്‍ക്കുന്നത്.