കരുനാഗപ്പള്ളി: നീതിക്ക് വേണ്ടിയുള്ള പോരാട്ടത്തില്‍ മിഷേല്‍ ഷാജിയുടെ കുടുംബത്തിന് പിന്തുണയുമായി കെ.എസ്.യു പ്രവര്‍ത്തകരുടെ ഐക്യദാര്‍ഢ്യ സ്‌നേഹജ്വാല ശ്രദ്ധേയമായി. 'മിഷേലിന്റെ കുടുംബത്തിന് നീതി നല്‍കുക' എന്ന സന്ദേശമുയര്‍ത്തി മിഷേലിന്റെ ചിത്രമുള്ള പ്ലക്കാര്‍ഡുകള്‍ കൈകളിലേന്തി ദീപം തെളിയിച്ച് തൊടിയൂര്‍ സൈക്കിള്‍ ജംങ്ഷനില്‍ നൂറോളം സ്‌ക്കൂള്‍ വിദ്യാര്‍ഥികളും കെ.എസ്.യു പ്രവര്‍ത്തകരും ഐക്യദാര്‍ഢ്യ പ്രതിജ്ഞയെടുത്തു.
സേവാദള്‍ കരുനാഗപ്പള്ളി നിയോജകമണ്ഡലം ചെയര്‍മാന്‍ ഷിബു.എസ്.തൊടിയൂര്‍ ഉദ്ഘാടനം ചെയ്തു. യൂത്ത് കോണ്‍ഗ്രസ് തൊടിയൂര്‍ മണ്ഡലം പ്രസിഡന്റ് എ ഷഹനാസ്, സേവാദള്‍ മണ്ഡലം ചെയര്‍മാന്‍ അയ്യപ്പദാസ്, പടനിലത്ത് രവീന്ദ്രന്‍, നാസര്‍ കൊല്ലശ്ശേരില്‍, ബിലാല്‍ കോളാട്ട്, ഇര്‍ഷാദ്, സൂരജ്, നൗഫല്‍ എന്നിവര്‍ സംസാരിച്ചു.