എടച്ചേരി: ഓര്‍ക്കാട്ടേരി ടൗണില്‍ നിന്നു വന്‍ മദ്യശേഖരം പിടികൂടി. മാഹിയില്‍ നിന്നും കടത്തുകയായിരുന്ന മദ്യമാണ് ഓര്‍ക്കാട്ടേരി ടൗണില്‍ രണ്ടിടത്തു നിന്നായി പിടികൂടിയത്. കെ.എസ്.ഇ.ബി ഓഫിസ് പരിസരം, എസ്.ബി.ടി എന്നിവിടങ്ങളില്‍ നിന്നാണ് മദ്യം പിടികൂടിയത്. കുറിഞ്ഞാലിയോട് താഴെ പുത്തലത്ത് ബാബു (47), ഓര്‍ക്കാട്ടേരി ക@േണ്ടാത്ത് കുന്നുമ്മല്‍ ബാലന്‍ (60) എന്നിവരില്‍ നിന്നാണ് അരയിലും, സഞ്ചിയിലും ഒളിപ്പിച്ചു കടത്തുകയായിരുന്ന 26 കുപ്പി മദ്യം പിടികൂടിയത്. മാഹിയില്‍ നിന്നു വാഹനത്തില്‍ ഓര്‍ക്കാട്ടേരി ടൗണിലെത്തിയ ഇവര്‍ ആവശ്യക്കാര്‍ക്ക് കൈമാറാന്‍ കാത്തു നില്‍ക്കവെയാണ് പൊലിസ് പിടിയിലായത്.
        എടച്ചേരി എസ്.ഐ യൂസുഫ് നടുത്തറമ്മലിന്റെ നേതൃത്വത്തില്‍ ഹരിദാസ് മണ്ണുക്കണ്ടിയില്‍, ഉല്ലാസ്, ഹരീഷ്, സരീഷ്, രമേശ്, ലിനീഷ് എന്നിവരാണ് മദ്യം പിടികൂടിയത്.
പ്രതികളെ വടകര കോടതിയില്‍ ഹാജരാക്കി.