പാരിസ്: ഇറ്റലിയെ നേരിടാനൊരുങ്ങുന്ന നിലവിലെ ചാംപ്യന്‍മാരായ സ്‌പെയിന്‍ ടീമിന്റെ താരങ്ങള്‍ക്ക് ഉത്തേജക പരിശോധന. 10 താരങ്ങളെയാണ് പരിശോധനയ്ക്ക് വിധേയമാക്കിയത്. ഇവരെ നിര്‍ബന്ധപൂര്‍വമാണ് പരിശോധനയ്ക്ക് വിധേയമാക്കിയതെന്ന് സ്പാനിഷ് അധികൃതര്‍ പറഞ്ഞു. 

എന്നാല്‍ ഇത് അനൗദ്യോഗിക പരിശോധനയാണെന്ന് യുവേഫ വ്യക്തമാക്കി. ഇവരില്‍ രക്തത്തിന്റെയും മൂത്രത്തിന്റെയും സാംപിളുകള്‍ ശേഖരിച്ചിട്ടുണ്ട്.
ഇവയുടെ പരിശോധനാ ഫലം പുറത്തുവിട്ടിട്ടില്ല. സ്പാനിഷ് ടീം താമസിക്കുന്ന ഹോട്ടലില്‍ വച്ചായിരുന്നു ഉത്തേജക പരിശോധന.