മട്ടാഞ്ചേരി: പതിനാറുകാരിയെ വിവാഹം കഴിക്കാമെന്ന് വാഗ്ദാനം നല്‍കി സ്വര്‍ണം തട്ടിയെടുത്ത കേസില്‍ പ്രതി പിടിയിലായി. കരുവേലിപ്പടി സ്വദേശി അല്‍ത്താഫ്(22)നെയാണ് മട്ടാഞ്ചേരി സല്‍ക്കിള്‍ ഇന്‍സ്‌പെക്ടര്‍ ടി.ആര്‍ സന്തോഷിന്റെ നേതൃത്വത്തില്‍ അറസ്റ്റ് ചെയ്തത്. പ്രതി പല ദിവസങ്ങളിലായി മട്ടാഞ്ചേരി സ്വദേശിനിയില്‍ എട്ടേകാല്‍ പവനോളം സ്വര്‍ണം തട്ടിയെടുത്തതായി കാണിച്ച് പെണ്‍കുട്ടിയുടെ മാതാവ് നല്‍കിയ പരാതിയിലാണ് നടപടി. എ.എസ്.ഐ അശോകന്‍, സീനിയര്‍ സിവില്‍ പൊലീസ് ഓഫിസര്‍ എം.ബി രഘു എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.