വടക്കാഞ്ചേരി: കുമരനെല്ലൂര്‍ പാടശേഖരത്ത് കുള നിര്‍മ്മാണത്തിന്റെ പേരില്‍ വന്‍തോതില്‍ കൃഷി ഭൂമി നികത്തുന്നതായി പരാതി. കൃഷി ഓഫീസറുടെ മൗനസമ്മതത്തോടെയാണ് അനധികൃത പ്രവര്‍ത്തനം നടക്കുന്നതെന്ന ആരോപണവുമായി നാട്ടുകാര്‍ രംഗത്തെത്തി. പരാതിയെ തുടര്‍ന്ന് സ്ഥലത്തെത്തിയ പൊലിസ് കുളനിര്‍മ്മാണത്തിലേര്‍പ്പെട്ടിരുന്ന മണ്ണ് മാന്തി യന്ത്രവും, ടിപ്പര്‍ ലോറിയും പിടിച്ചെടുത്തു. കൃഷി ഓഫീസറുടെ നടപടി യെ കുറിച്ച് സമഗ്ര അന്വേഷണം നടത്തണമെന്ന് ആവശ്യപ്പെട്ട് കൃഷി വകുപ്പ് മന്ത്രിക്കും, ജില്ലാ കൃഷി ഓഫീസര്‍ക്കും തദ്ദേശ വാസികള്‍ പരാതി നല്‍കി. നടപടി ഉണ്ടായില്ലെങ്കില്‍ ശക്തമായ പ്രക്ഷോഭത്തിന് നേതൃത്വം നല്‍കുമെന്ന് ജനകീയ കൂട്ടായ്മ അറിയിച്ചു.