ചങ്ങരംകുളം: പാവിട്ടപ്പുറത്ത് ബസിടിച്ച് വിദ്യാര്‍ഥിനിക്ക് പരിക്കേറ്റു. ചെറവല്ലൂര്‍ സ്വദേശിനി തെസ്‌നി(17) യെ ആണ് ഇന്നലെ വൈകിട്ട് നാല് മണിയോടെ കോഴിക്കോട് നിന്നും തൃശൂരിലേക്ക് പോകുകയായിരുന്ന സ്വകാര്യ ബസ് ഇടിച്ചത്.
സ്ഥിരം അപകട മേഖലയായ ഇവിടെയുള്ള ഇറക്കത്തോടൊപ്പമുള്ള വളവിന് സമീപമുള്ള അസ്സ്‌സബാഹ് അറബിക് കോളജില്‍ നിന്നും ക്ലാസ് കഴിഞ്ഞ് പുറത്തേക്ക് ഇറങ്ങിയ തെസ്‌നിയെ അമിത വേഗതയില്‍ വന്ന ബസ്സ് ഇടിക്കുകയായിരുന്നു. അസ്സബാഹ് അറബിക് കോളേജിലെ രണ്ടാം വര്‍ഷ പ്രിലിമിനറി വിദ്യാര്‍ഥിനിയാണ് തസ്‌നി.
തസ്‌നിയെ കുന്നംകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. പാവിട്ടപ്പുറത്ത് ഉടന്‍ സ്പീഡ് ബ്രേക്കര്‍ സ്ഥാപിച്ചില്ലെങ്കില്‍ സമരത്തിനൊരുങ്ങുമെന്ന് നാട്ടുകാരും വിദ്യാര്‍ഥികളും പറഞ്ഞു.