തലശ്ശേരി: ഒട്ടോയില്‍ സ്ഥിരമായി വിദ്യാലയത്തിലേക്ക് പോവുകയും വരികയും ചെയ്യുന്ന പ്രായപൂര്‍ത്തിയാകാത്ത വിദ്യാര്‍ഥിനിയോട് അപമര്യാദയായി പെരുമാറിയ ഒട്ടോ ഡ്രൈവര്‍ അറസ്റ്റില്‍. കാവുംഭാഗം ഇല്ലത്തുതാഴെ കുനിയില്‍ അരവിന്ദാക്ഷനെ(53)യാണ് തലശ്ശേരി സി.ഐ പ്രദീപന്‍ കണ്ണിപ്പൊയിലും സംഘവും അറസ്റ്റ് ചെയ്തത്.  
വിദ്യാര്‍ഥിനിയോട് ലൈംഗിക ചുവയുള്ള വാക്കുകള്‍ പറഞ്ഞ് മാനസികമായി പീഡിപ്പിക്കുന്നുവെന്ന പരാതിയെതുടര്‍ന്നാണ് കേസ് രജിസ്റ്റര്‍ ചെയ്തത്. തലശ്ശേരി അഡിഷനല്‍ ജില്ലാ സെഷന്‍സ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.