കണ്ണൂര്‍: ജീവിത വിജയത്തിന്റെ ഏക നിദാനം ആത്മസംസ്‌കരണമാണെന്നും അതുണ്ടാക്കിയെടുക്കാനാണ് റമദാന്‍ മാസത്തെ അല്ലാഹു നിര്‍ബന്ധമാക്കിയെതെന്നും സമസ്ത ജില്ലാ പ്രസിഡന്റ് പി.കെ.പി അബ്ദുല്‍ സലാം മുസ്‌ലിയാര്‍. എസ്.കെ.എസ്.എസ്.എഫ് സഹചാരി ജില്ലാ കമ്മിറ്റി നടത്തുന്ന എട്ടുദിന റമദാന്‍ പ്രഭാഷണം ഉദ്ഘാടനം ചെയ്യുകയായിരുന്നു അദ്ദേഹം. മനുഷ്യനെ ധാര്‍മികമായി ഉയര്‍ത്താനാണ് പ്രവാചകന്‍ അവതരിച്ചത്. പ്രവാചകരെ പൂര്‍ണമായും പിന്തുടരലാണ് രക്ഷപ്പെടാനുള്ള മാര്‍ഗം. തിന്മകളും തെറ്റുകുറ്റങ്ങളും വ്യാപിക്കുമ്പോള്‍ അതിനെ തിരുത്താനും നന്മയുടെ പക്ഷത്തു ഉറച്ചു നില്‍ക്കാനും സാധിക്കുന്ന അവസ്ഥയിലാണ് മനുഷ്യനെ അല്ലാഹു പടച്ചെതെന്നും പി.കെ.പി പറഞ്ഞു. ഖുര്‍ആന്‍ പണ്ഡിതന്‍ റഹ്മത്തുല്ല ഖാസിമി മൂത്തേടം മുഖ്യപ്രഭാഷണം നടത്തി. ഉസ്മാന്‍ ഹാജി വേങ്ങാട് അധ്യക്ഷനായി. അഹ്മദ് ബഷീര്‍ ഫൈസി മാണിയൂര്‍, ബഷീര്‍ അസ്അദി നമ്പ്രം, അബ്ദുല്‍ ഷുക്കൂര്‍ ഫൈസി പുഷ്പഗിരി, എ.പി ഇസ്മാഈല്‍ ഹാജി, എസ്.കെ ഹംസ ഹാജി, അഷ്‌റഫ് ബംഗാളി മുഹല്ല, ഷഹീര്‍ പാപ്പിനിശേരി, ജലീല്‍ ഹസനി കുപ്പം, നസീര്‍ മൂര്യാട്, റഷീദ് ഫൈസി പൊറോറ, മുനീര്‍ കുന്നത്ത്, സുറൂര്‍ പാപ്പിനിശേരി, എ.കെ.പി മുഹമ്മദ്, അസ്‌ലം പടപ്പേങ്ങാട് സംസാരിച്ചു. സത്യവിശ്യാസിയുടെ ദിനരാത്രങ്ങള്‍ എന്ന വിഷയത്തില്‍ ഇന്നു രാവിലെ 8.30ന് റഹ്മത്തുല്ല ഖാസിമി പ്രഭാഷണം നടക്കും. സഫ്‌വാന്‍ കോയ തങ്ങള്‍ പ്രാര്‍ഥന നടത്തും. ഇന്നത്തെ പ്രഭാഷണ പരിപാടി എസ്.കെ.ജെ.എം ജില്ലാ പ്രസിഡന്റ് മാണിയൂര്‍ അബ്ദുറഹ്മാന്‍ ഫൈസി ഉദ്ഘാടനം ചെയ്യും. സി. സമീര്‍ മുഖ്യാതിഥിയാകും. താണ സാധു കല്യാണമണ്ഡപം പരിസരത്ത് പ്രത്യേകം ഒരുക്കിയ ഗ്രൗണ്ടിലാണു പരിപാടി.