അഞ്ചല്‍: യുവതിയെ വിവാഹ വാഗ്ദാനംനല്‍കി പീഡിപ്പിച്ച് ഗര്‍ഭിണിയാക്കിയ ശേഷം ഒളിവില്‍പ്പോയ യുവാവിനെ പൊലിസ് അറസ്റ്റ് ചെയ്തു.വെളിച്ചിക്കാല മനു ഭവനില്‍ മനു (24) വിനെയാണ് കഴിഞ്ഞ ദിവസം രാവിലെ 11 മണിയോടെ വെളിച്ചിക്കാലയിലെ വീട്ടില്‍ നിന്നും പിടികൂടിയത്. 2015 ലായിരുന്നു കേസിനാസ്പദമായ സംഭവം.  ചണ്ണപ്പേട്ട മൂങ്ങോട് സ്വദേശിയായപെണ്‍കുട്ടിയെ വിവാഹ വാഗ്ദാനം നല്‍കി പീഡിപ്പിക്കുകയും ഗര്‍ഭിണിയായതറിഞ്ഞപ്പോള്‍ ഒളിവില്‍ പോകുകയുമായിരുന്നു. ഇതേത്തുടര്‍ന്ന് പെണ്‍കുട്ടി ആത്മഹത്യ ചെയ്തു.  കൊല്ലംറൂറല്‍ എസ്.പി.സുരേന്ദ്രന് ലഭിച്ച രഹസ്യ വിവരത്തെ തുടര്‍ന്ന് എസ്.പി.യുടെ നിര്‍ദ്ദേശ പ്രകാരം  അഞ്ചല്‍ സി.ഐ എ.അഭിലാഷ്, ഏരൂര്‍ എസ്.ഐ.എല്‍.രമ, സി.പി.ഓ.രജ്ബീര്‍ എന്നിവരുടെ നേതൃത്വത്തിലുള്ള പൊലിസ് സംഘമാണ് പ്രതിയെ പിടികൂടിയത്.പുനലൂര്‍ കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.