പാലക്കാട്: ഉപതെരഞ്ഞെടുപ്പ് ഫലം കേരളത്തെ സംബന്ധിച്ച് ഒരു രാഷ്ട്രീയമാറ്റവും ഉണ്ടാക്കുന്നതല്ലെന്നും തെരഞ്ഞെടുപ്പില്‍ എങ്ങനെയാണ് പാര്‍ട്ടിക്ക് വോട്ട് കുറഞ്ഞതെന്ന് പരിശോധിക്കുമെന്നും ബി.ജെ.പി സംസ്ഥാന പ്രസിഡന്റ് കെ. സുരേന്ദ്രന്‍. 

യു.ഡി.എഫ് ജയിച്ചാലും എല്‍.ഡി.എഫ് ജയിച്ചാലും സംസ്ഥാനത്ത് ഭരണമാറ്റമോ പുതിയ സംഭവവികാസങ്ങളോ ഉണ്ടാകില്ലെന്നും വയനാട്ടില്‍ പ്രിയങ്ക ഗാന്ധിജി വന്‍ ഭൂരിപക്ഷത്തോടെ വിജയിച്ചു എന്നുള്ളത് സംസ്ഥാനരാഷ്ട്രീയത്തില്‍ എന്തെങ്കിലും ഒരു മാറ്റത്തിന് കാരണമാകുന്ന ഫലമല്ലെന്നും അദ്ദേഹം മാധ്യമങ്ങളോട് പറഞ്ഞു.

ഉപതെരഞ്ഞെടുപ്പുകളില്‍ ബി.ജെ.പിക്ക് വോട്ടുകള്‍ കുറയാറാണ് പതിവ്
സംസ്ഥാന ഗവണ്മെന്റിനെതിരെ ശക്തമായ പ്രതിഷേധം ഉണ്ടായിട്ടും പ്രധാന പ്രതിപക്ഷത്തിന് ചേലക്കരയില്‍ വിജയിക്കാനായില്ല.പാലക്കാട് ബിജെപിക്ക് വോട്ട് കുറഞ്ഞു.അതില്‍ ആത്മ പരിശോധന നടത്തും.ജനപിന്തുണ ആര്‍ജിക്കാന്‍ പരിശ്രമം നടത്തുമെന്നും അദ്ദേഹം പറഞ്ഞു