മലപ്പുറം: ചേലക്കര നിയമസഭ ഉപതെരഞ്ഞെടുപ്പില്‍ ഡി.എം.കെയ്ക്ക് വലിയ ജനകീയ പിന്തുണ ലഭിച്ചെന്ന് പി.വി അന്‍വര്‍ എം.എല്‍.എ. മുഖ്യമന്ത്രിയുടെ ഓഫീസിന് എതിരെയുള്ള ആരോപണങ്ങള്‍ ശരി വെക്കുന്നതാണ് തെരഞ്ഞെടുപ്പ് ഫലമെന്നും അദ്ദേഹം പറഞ്ഞു.

വെറും 13 ദിവസം മാത്രമാണ് സംഘടനയ്ക്ക് പ്രചാരണത്തിന് ലഭിച്ചത്.സി.പി.എമ്മും, ബി.ജെ.പിയും, കോണ്‍ഗ്രസും ഒഴികെ കേരളത്തില്‍ എല്ലായിടത്തും മത്സരിച്ചാല്‍ ഒരു പാര്‍ട്ടിക്കും 3900 വോട്ട് ലഭിക്കില്ലെന്ന് അദ്ദേഹം ചൂണ്ടിക്കാട്ടി. സിപിഐക്ക് പോലും ലഭിക്കില്ലെന്ന് അദ്ദേഹം പറഞ്ഞു. കോഴിക്കോടോ,കണ്ണൂരോ, കോഴിക്കോടോ ഒക്കെ ആണെങ്കില്‍ ഇതിനേക്കാള്‍ വോട്ട് ലഭിച്ചേനെയെന്നും അന്‍വര്‍ പറയുന്നു. 

3909 വോട്ടുകളാണ് എന്‍കെ സുധീര്‍ ചേലക്കരയില്‍ നേടിയത്. ചേലക്കരയില്‍ എല്‍ഡിഎഫിന് ഭൂരിപക്ഷം എങ്ങനെ കുറഞ്ഞുവെന്ന് അന്‍വര്‍ ചോദിക്കുന്നു. എല്‍ഡിഎഫ് വോട്ട് യുഡിഎഫിന് ലഭിച്ചു. ബിജെപിക്കും വോട്ട് കിട്ടി. ആന്റി പിണറായിസം ആണ് ഈ വോട്ടുകള്‍  അന്‍വര്‍ വ്യക്തമാക്കി.