ദുബൈ; യുഎഇ ദേശീയദിനം പ്രമാണിച്ച് സൗജന്യ ഇന്റര്‍നെറ്റ് ഡാറ്റ വാഗ്ദാനം ചെയ്ത് സമൂഹമാധ്യമങ്ങളില്‍ സന്ദേശം കാണുന്നുണ്ടെങ്കില്‍ ജാഗ്രത പുലര്‍ത്തണമെന്ന് അധികൃതര്‍. ഇത് തട്ടിപ്പുകാരുടെ പുതിയ തന്ത്രമാണെന്നും അതില്‍ പറയുന്ന ലിങ്കില്‍ ക്ലിക്ക് ചെയ്യരുതെന്നും യുഎഇ ടെലികമ്യൂണിക്കേഷന്‍ പ്രൊവൈഡറായ എത്തിസാലാത്ത് അറിയിച്ചു. യുഎഇയുടെ 53ാം ദേശീയദിനാഘോഷ(ഈദുല്‍ ഇത്തിഹാദ്) ത്തിന്റെ ഭാഗമായി 53 ജിബി ഡാറ്റ പാക്കേജാണ് വാട്‌സാപ്പിലൂടെ തട്ടിപ്പുകാര്‍ സൗജന്യമായി വാഗ്ദാനം ചെയ്യുന്നത്.

യുഎഇ 53ാം ദേശീയ ദിന പ്രത്യേക ഓഫര്‍: എല്ലാ നെറ്റ്‌വര്‍ക്കുകളിലും 53 ജിബി ലഭ്യമാണ്. എനിക്ക് എന്റേത് ലഭിച്ചു! ഇത് മൂന്ന് മാസത്തേയ്ക്ക് സാധുതയുള്ളതാണ്. ഇതോടൊപ്പമുള്ള ലിങ്കില്‍ ക്ലിക്ക് ചെയ്യുക'. വ്യാജ വാട്ട്‌സ്ആപ്പ് പോസ്റ്റ് ഇങ്ങനെയാണ്.

ടെലികോം മേജര്‍ ഇ & ഇതിനെതിരെ ഇന്‍സ്റ്റഗ്രാമില്‍ മുന്നറിയിപ്പ് നല്‍കി: ജാഗ്രത പാലിക്കണം സംശയാസ്പദമായ ലിങ്കുകള്‍ അവഗണിക്കുക, ക്ലിക്കുചെയ്യുന്നതിന് മുമ്പ് ഓഫറുകള്‍ പരിശോധിക്കുക. എക്‌സില്‍ ഒരു പോസ്റ്റിലൂടെ ഇക്കാര്യം ഉപയോക്താക്കളെ അറിയിച്ചു. വ്യാജ ഓഫറുകള്‍ സൂക്ഷിക്കുണമെന്നും, ക്ലിക്കുചെയ്യുന്നതിന് മുമ്പ് എപ്പോഴും ലിങ്കുകള്‍ പരിശോധിക്കണമെന്നും മുന്നറിയിപ്പ് നല്‍കിയിട്ടുണ്ട്.

UAE authorities have warned citizens and residents against scams offering free internet data on the occasion of the country's National Day, emphasizing the importance of cybersecurity.