പാലാ: ചെങ്ങന്നൂര്‍ ഉപതെരഞ്ഞടുപ്പില്‍ കേരള ജനപക്ഷ പാര്‍ട്ടി എല്‍.ഡി.എഫ് സ്ഥാനാര്‍ഥി സജി ചെറിയാന് പിന്തുണ നല്‍കുമെന്ന് ചെയര്‍മാന്‍ പി.സി ജോര്‍ജ് വാര്‍ത്താസമ്മേളനത്തില്‍ പ്രഖ്യാപിച്ചു.
ഏതു മുന്നണിയില്‍ പ്രവേശിക്കണമെന്ന കാര്യത്തില്‍ ജനപക്ഷം ഇപ്പോള്‍ ആലോചിക്കുന്നില്ല. കെ.എം. മാണി പിന്തുണ പ്രഖ്യാപിച്ചതോടെ അഴിമതി നടത്തിയ പഴയ യു.ഡി.എഫ് മുന്നണി തന്നെയാണ് ചെങ്ങന്നൂരില്‍ വന്നിരിക്കുന്നതെന്നും അദ്ദേഹം ആരോപിച്ചു. യു.ഡി.എഫ് മൂന്നാം സ്ഥാനത്ത് പോകും. മാണിയുടെ പാര്‍ട്ടിയിലെ പിളര്‍പ്പ് ഒഴിവാക്കാനാണ് ഇപ്പോള്‍ യു.ഡി.എഫിനെ അദ്ദേഹം പിന്തുണയ്ക്കുന്നതെന്നും അദ്ദേഹം പറഞ്ഞു. പാര്‍ട്ടി വൈസ് ചെയര്‍മാന്‍ ഭാസ്‌കരപിള്ള, ആലപ്പുഴ ജില്ലാ പ്രസിഡന്റ് നജിമുദീന്‍, ചെങ്ങന്നൂര്‍ നിയോജകമണ്ഡലം പ്രസിഡന്റ് ബോബി തോമസ് എന്നിവരും വാര്‍ത്താസമ്മേളനത്തില്‍ പങ്കെടുത്തു.