കരുനാഗപ്പള്ളി: മാരക രോഗങ്ങള്‍ ബാധിച്ചവര്‍ക്കുള്‍പ്പടെ മുഖ്യമന്ത്രിയുടെ ദുരിതാശ്വാസ നിധിയില്‍ നിന്നുമുള്ള ധനസഹായങ്ങള്‍ വിതരണം ചെയ്തു.
മണ്ഡലത്തിലെ വിവിധ പഞ്ചായത്തുകളില്‍പ്പെട്ട പതിനൊന്ന് പേര്‍ക്കാണ് ധനസഹായം വിതരണം ചെയ്തത്.
വൃക്ക മാറ്റിവയ്ക്കല്‍ ശസ്ത്രക്രിയക്ക് വിധേയനായ ഇടക്കുളങ്ങര, കെ.എം മന്‍സിലില്‍ ഇക്ബാലിന് മൂന്ന് ലക്ഷം രൂപയുടെ സഹായവും ഒരു ലക്ഷം രൂപ വീതം ഒന്‍പത് പേര്‍ക്കും അന്‍പതിനായിരം രൂപയുടെ ചികിത്സാസഹായം ഒരാളിനുമുള്‍പ്പടെയാണ് വിതരണം ചെയ്തത്.
ആകെ പതിമൂന്ന് ലക്ഷത്തി ഇരുപത്തി അയ്യായിരം രൂപയാണ് വിതരണം ചെയ്തത്.
കരുനാഗപ്പള്ളി താലൂക്ക് കോണ്‍ഫറന്‍സ് ഹാളില്‍ നടന്ന ചടങ്ങില്‍ വച്ച് ആര്‍. രാമചന്ദ്രന്‍ എം.എല്‍.എ സഹായങ്ങള്‍ വിതരണം ചെയ്തു. തഹസില്‍ദാര്‍ എന്‍. സാജിദാബീഗം അധ്യക്ഷയായി. തഹസില്‍ദാര്‍ (എല്‍.ആര്‍) ആര്‍. ശശികല, കരുനാഗപ്പള്ളി വില്ലേജ് ഓഫിസര്‍ അനീഷ് സംസാരിച്ചു.