നീലേശ്വരം: ദേശീയപാതയില്‍ കരുവാച്ചേരിയില്‍ മീന്‍ ലോറി മറിഞ്ഞ് രണ്ടു പേര്‍ക്ക് പരുക്ക്. ഫാറൂഖ് (25), അമൃത് (28) എന്നിവര്‍ക്കാണു ഗുരുതരമായി പരുക്കേറ്റത്. ഇന്നലെ പുലര്‍ച്ചെയാണ് സംഭവം. കാര്‍വാറില്‍ നിന്നും മത്സ്യവുമായി കണ്ണൂര്‍ ഭാഗത്തേക്കു പോകുകയായിരുന്ന ലോറിയാണ് നിയന്ത്രണം വിട്ടു മറിഞ്ഞത്.
ശബ്ദം കേട്ട് ഓടിയെത്തിയ നാട്ടുകാര്‍ പരുക്കേറ്റവരെ തേജസ്വിനി സഹകരണ ആശുപത്രിയിലെത്തിച്ചെങ്കിലും ഗുരുതരമായതിനാല്‍ മംഗളൂരുവിലേക്കു മാറ്റി.
സ്ഥിരം അപകട മേഖലയായ കരുവാച്ചേരി വളവില്‍ ഒരിടവേളയ്ക്കു ശേഷമാണ് വീണ്ടും അപകടമുണ്ടായത്.