കൊച്ചി: നോക്കിയയുടെ പുതിയ മോഡല്‍ സ്മാര്‍ട്ട് ഫോണുകള്‍ എച്ച്.എം.ഡി ഗ്ലോബല്‍ വിപണിയിലിറക്കി. നോക്കിയ 1, പുതിയ നോക്കിയ 6, നോക്കിയ 7 പ്ലസ്, നോക്കിയ 8 സിറോക്കോ എന്നീ ആന്‍ഡ്രോയ്ഡ് ഫോണുകളാണ് രാജ്യത്തെ വിപണിയില്‍ അവതരിപ്പിച്ചത്. അവാര്‍ഡ് നേടിയ നോക്കിയ ആന്‍ഡ്രോയ്ഡ് ഫോണുകള്‍ ഫെബ്രുവരിയില്‍ നടന്ന മൊബൈല്‍ വേള്‍ഡ് കോണ്‍ഗ്രസില്‍ പ്രദര്‍ശിപ്പിച്ചിരുന്നു.
നോക്കിയ ഫോണുകളും ആക്‌സസറീസും ലഭ്യമാകുന്ന ഓണ്‍ലൈന്‍ നോക്കിയ ഫോണ്‍ ഷോപ്പ് രാജ്യത്ത് ആരംഭിച്ചതായും എച്ച്.എം.ഡി ഗ്ലോബല്‍ അറിയിച്ചു. രൂപകല്‍പനയിലും മെറ്റീരിയലുകളിലും പുതിയ അടയാളപ്പെടുത്തലായിരിക്കും നോക്കിയയുടെ പുതിയ സ്മാര്‍ട്ട് ഫോണുകള്‍.
ഇക്കഴിഞ്ഞ വര്‍ഷം നോക്കിയയെ സംബന്ധിച്ച് രാജ്യത്ത് നിര്‍ണായക കാലമായിരുന്നുവെന്നും ഇന്ത്യയൊട്ടുക്കും ബിസിനസ് പടുത്തുയര്‍ത്താനും ഉപഭോക്താക്കള്‍ ഇഷ്ടപ്പെടുന്ന ഒരുകൂട്ടം സ്മാര്‍ട്ട് ഫോണുകള്‍ ഇറക്കാനും സാധിച്ചുവെന്നും എച്ച്.എം.ഡി സൗത്ത്, വെസ്റ്റ് ജനറല്‍ മാനേജര്‍ ടി.എസ് ശ്രീധര്‍ പറഞ്ഞു.
പുതിയ നോക്കിയ സ്മാര്‍ട്ട് ഫോണുകള്‍ വിപണിയിലിറക്കുന്ന ചടങ്ങില്‍ സംസാരിക്കുകയായിരുന്നു അദ്ദേഹം.