കായംകുളം: വിദ്യാര്‍ത്ഥികള്‍ക്ക് കഞ്ചാവ് കച്ചവടം നടത്തുന്ന സംഘത്തിലെ മൂന്ന് പേര്‍ കൂടി പിടിയില്‍ .കരുവാറ്റ വല്ല്യത്ത് നജാദ് (20) കരുവാറ്റ സ്വദേശികളായ ആരോമല്‍, (21) സനീഷ് (20) എന്നിവരെയാണ് ആന്റി നര്‍ക്കോട്ടിക് സെല്‍ എ എസ്.ഐ. അലി അക്ബറിന്റെ നേതൃത്വത്തിലുള്ള സംഘമാണ് കരുവാറ്റയില്‍ നിന്നുംപിടികൂടിയത്.
ഇവരില്‍ നിന്നും 25 ഗ്രാം കഞ്ചാവും ഒരു ബൈക്കും പിടിച്ചെടുത്തു.വ്യാഴാഴ്ച വിദ്യാര്‍ത്ഥികളായ9 പേരെ പിടികൂടിയിരുന്നു.
തിരുവനന്തപുരം തണ്ടള അശ്വതിയില്‍ നിധിന്‍ (21) പൂവച്ചല്‍ കരിക്കോണം കണവില്‍ പ്രണവ് (20)ഭരണിക്കാവ് മങ്കുഴി ശ്രീരംഗത്ത് ആദിത്യന്‍ (19), പെരിങ്ങാല ശ്രീവൈഷ്ണവത്തില്‍ വൈഷ്ണവ് ഉണ്ണികൃഷ്ണന്‍ (20) പുള്ളിക്കണക്ക് കുഴിത്തറകിഴക്കതില്‍ ശ്യാംകൃഷ്ണന്‍ (19)ചേരാവള്ളി ദര്‍ശന്‍ ഭവനത്തില്‍ ദര്‍ശന്‍ പി. ദാസ് (21), ഏവൂര്‍ വടക്ക് കറുത്തേരില്‍ അരവിന്ദ് (21)ഏവൂര്‍ വടക്ക്ശ്രീരംഗത്ത് അനുരാജ്(20)ഏവൂര്‍വടക്ക് വിഷ്ണുഭവനത്തില്‍ ബിനു (19) എന്നിവരെയാണ് പിടിയിലായത്. ഇവരില്‍ നിന്നും 25 ഗ്രാം കഞ്ചാവ് കണ്ടെടുത്തിരുന്നു.
കായംകുളംറെയില്‍വേ മേല്‍പ്പാലത്തിന് സമീപമുള്ള ലോഡ്ജ് കേന്ദ്രീകരിച്ചാണ് സംഘം പ്രവര്‍ത്തിച്ചിരുന്നത്. ജില്ലയിലെ വിവിധ കോളജുകളില്‍ പഠിക്കുന്നവരാണ് ഇവര്‍.
കായംകുളം, കരീലകുളങ്ങര, ഹരിപ്പാട് മേഖലകളില്‍ കഞ്ചാവ് വില്‍പ്പനക്കാര്‍ സജീവമായിരിക്കുകയാണ്.
രാത്രിയും പകലും ബൈക്കുകളിലാണ് ഇവര്‍ കഞ്ചാവ്എത്തിക്കുന്നത്.
മൊത്ത വില്‍പ്പനക്കാരില്‍ നിന്നും വാങ്ങുന്ന കഞ്ചാവ് ചെറിയ പൊതികളിലാക്കി എത്തിക്കുകയാണ് പതിവ്. ചെറിയ പൊതിക്ക് നൂറു മുതല്‍ 200 രൂപയ്ക്കു വരെയാണ് വില്‍പ്പന. എക്‌സൈസും പോലിസും നിര്‍ജീവമായതോടെ കഞ്ചാവ് വില്‍പ്പന വര്‍ദ്ധിച്ചത്.