എം.എസ്.എഫ് ഖുര്‍ആന്‍ ക്വിസ് സമാപിച്ചു
കുറ്റിക്കാട്ടൂര്‍: റമദാന്‍ കാംപയിനിന്റെ ഭാഗമായി കുന്ദമംഗലം നിയോജക മണ്ഡലം എം.എസ്.എഫ് കമ്മിറ്റി സംഘടിപ്പിച്ച ഖുര്‍ആന്‍ ക്വിസ് മത്സരങ്ങള്‍ സമാപിച്ചു. പഞ്ചായത്തുതലങ്ങളില്‍ ഒന്നും രണ്ടും സ്ഥാനങ്ങള്‍ നേടിയ ടീമുകള്‍ മാറ്റുരച്ച മണ്ഡലംതല മത്സരത്തില്‍ പെരുവയല്‍ പഞ്ചായത്തിലെ പെരിങ്ങൊളം ശാഖയിലെ സഹദ് സി.വി, അസ്ഹര്‍ എം. എന്നിവര്‍ ഒന്നാം സ്ഥാനം നേടി.
കുന്ദമംഗലം പഞ്ചായത്തിലെ മുറിയനാല്‍ ശാഖയില്‍ നിന്നുള്ള മുഹമ്മദ് സിനാന്‍ കെ., ജുനൈസ്, കുറ്റിക്കാട്ടൂര്‍ ശാഖയിലെ ഷഹീറലി വി.എം, മുഹമ്മദ് അല്‍സബാഹ് ഇ.കെ എന്നിവര്‍ യഥാക്രമം രണ്ടും മൂന്നും സ്ഥാനങ്ങള്‍ നേടി. പി.കെ ഫിറോസ് ഉദ്ഘാടനം ചെയ്തു. ഡോ. വി.ഇ സിറാജുദ്ദീന്‍ അധ്യക്ഷനായി. നസ്‌റുദ്ദീന്‍ ബാഖവി പുവ്വാട്ടുപറമ്പ് മത്സരം നിയന്ത്രിച്ചു. റഊഫ് കുറ്റിക്കാട്ടൂര്‍, ഷമീര്‍ പെരുവയല്‍, കെ.പി സൈഫുദ്ദീന്‍, അന്‍സാര്‍ പെരുവയല്‍, തൗഫീക്ക് പൂളേകര, ഇര്‍ഫാന്‍ പുളിക്കല്‍താഴം, ജാഷിദ് മുറിയനാല്‍ സംസാരിച്ചു.